Қазақстан 2025 жылы шетелге шамамен 79 млрд доллардың тауарын экспорттаған. Ал ең көп мөлшерде тауарды Италия мен Қытайға жөнелткен, деп хабарлайды Tarazy.kz «Finnews.kz«-ке сілтеме жасап.
Статистикаға сәйкес, ел экспортының негізгі бөлігін мұнай мен мұнай өнімдері құрайды. Атап айтқанда, шикі мұнай мен мұнай өнімдерінің үлесі жалпы экспорттың шамамен 50,5%-ын алған.
Сонымен қатар экспорт құрылымында:
-
уран және радиоактивті өнімдер – 5,3%,
-
тазартылған мыс – 5,2%,
-
мыс кендері – 3,6%,
-
ферроқорытпалар – 2,6% үлеске ие.
Қазақстан тауарлары ең көп жөнелтілетін елдердің қатарында Италия (19,8%), Қытай(19,2%) және Ресей (10,3%) бар.
Одан кейінгі орындарда Нидерланды (7,6%), Түркия (4,9%) және Өзбекстан (4,5%) тұр.
Мамандардың айтуынша, Қазақстан экспортының басым бөлігі әлі де шикізаттық тауарларға тиесілі.
