Қазақстан үкіметі Абай облысын дамыту жоспарын қабылдады.
Премьер-министр Әлихан Смайылов облыстың әлеуметтік-экономикалық дамуының кешенді жоспарында 100-ден астам іс-шара бар екенін айтты.
«Бұл инвестициялық жобаларды жүзеге асыру, тұрғын үй құрылысын, әлеуметтік және басқа да инфрақұрылымдарды дамыту, азаматтық қорғауды қамтамасыз ету, сондай-ақ экологиялық мәселелерді шешу. Жоспардың жалпы бюджеті шамамен 1,9 триллион теңге болады», — деді Смайылов Үкімет отырысында.
Ол Ұлттық экономика министрлігі мен облыс әкімдігіне мүдделі мемлекеттік органдармен бірлесіп, кешенді жоспардағы шаралардың уақтылы және сапалы орындалуын қамтамасыз етуді тапсырды.
