Алматы қаласының әкімі Ерболат Досаев бесінші орынбасарын тағайындады. Бұған дейін қаланың Алатау ауданын басқарған Азамат Қалдыбаев енді Досаевтың орынбасары, деп хабарлайды Tarazy ақпарат.
Азамат Қалдыбаев Алатау ауданына 2020 жылдан бастап әкім болды. Еңбек жолын 2007 жылы Бостандық ауданындағы #2 сотта жетекші маман болып бастаған. Әр жылдары Ұлттық Банк бөлімшелерінде, “Самұрық-Қазына” қорында, “Азаматтарға арналған үкімет” мемлекеттік корпорациясында қызмет еткен. 
Ерболат Досаевтың Асқар Амрин, Әсем Нүсіпова, Бейбіт Шаханов және Әлішер Әбдіқадыров сияқты төрт орынбасары бар. 
Алматы әкімдігіндегі тағы бір өзгеріс — Жетісу ауданының әкімі болып Ләззат Жылқыбаева тағайындалды. Жылқыбаева бұл қызметке дейін қаланың білім басқармасын басқарды. Ол лауазымда 2019 жылдан бері еңбек етуде. Ал Жетісу ауданын 2020 жылдан бері Гүлнар Көкебаева басқарды.