Алматы облысы Талғар ауданының Өстемір ауылында демеушілердің көмегімен спорт алаңы салынып, ауыл халқына пайдалануға берілді. Аталған Workout спорт алаңы ресми ашылды, деп хабарлайды Tarazy ақпарат.
Салтанатты іс-шараға Өстемір ауылының тұрғындары мен Талғар ауданы әкімі Айдарбеков Танат Есенкелдіұлы, облыстық маслихат депутаты Гүлжан Нұрбекқызы, Respublica партиясының Алматы облыстық филиалының төрағасы Жарас Ниязбек, республикалық “Ер-Намысы” қоғамдық бірлестігінің төрағасы Ерболат Алиядин және басқа да танымал тұлғалар мен белгілі азаматтар қатысты. 
Аудан әкімі мен Respublica партиясы атынан “Сеніз көл” демалыс орнының иесі, кәсіпкер Ким Виталий және Талғар ауданының денешынықтыруды және спортты дамыту орталығының басшысы Жандос Аянбекұлы арнайы алғыс хаттармен марапатталды.
Ауыл ақсақалдары ақ баталарын беріп, жаңа спорт алаңынан болашақ чемпиондар шығуын тіледі.