Қазақстандық байланыс операторларына иелік ететін «Мобайл Телеком-Сервис» ЖШС катарлық инвесторларға 1,1 млрд долларға сатылғанын Үкімет мәлімдеді, деп хабарлайды Tarazy ақпарат.
Қос байланыс операторының сатылатыны, акционерлермен, инвесторлармен келіссөз жүріп жатқаны бұған дейін де айтылып жүрді. Алайда келісімшарт сомасы мен Катардың инвесторларына нақты сатылғанын Үкіметте мәлімдеді.
Келісімшарт сомасы — 1,1 млрд доллар. Инвестор Power Internetional Holding компаниясы байланыс инфрақұрылымына 300 млрд теңге салуға міндеттелген. Бұл туралы Цифрлық даму және аэроғарыш өнеркәсібі министрі Жаслан Мадиев мәлімдеді.
«Катарлық жаңа инвесторлардың келуі — бұл маңызды қадам, жаңа бастама, жаң инвестиция. Нарықтағы бәсекелестікті арттыру. Базалық инфрақұрылымға да инвестиция салу жоспарда бар», деп түсіндірді министр.
Алдағы бес жылда инвесторлар миллиард доллардан кем емес қаржы құюы тиіс. Алайда инвесторлардың да талабы бар. Қазақстан тарапы алдағы бес жылда 5G жиілігіне беруге байқау өткізбеу керек. Қазіргі бар байланыс операторлары өз жиіліктерін алып алған. Жаңадан пайда болатын операторлар жиілік ала алмай қалады.