Ақтаудағы «МАЭК» ЖШС-де (Маңғыстау атом энергетикалық комбинаты) оқыс оқиға болып, салдарынан екі жұмысшы жарақат алды. Бұл туралы Маңғыстау облыстық мемлекеттік еңбек инспекциясы департаменті мәлім етті, деп хабарлайды Tarazy.kz
Ведомствоның мәліметінше, оқиға 23 сәуір күні сағат 10:30 шамасында болған. Алдын ала ақпарат бойынша, екі қызметкер негізгі конденсаторды қышқылмен жуу жұмыстарын жүргізген. Тұз қышқылы ерітіндісі арнайы сорғы арқылы шлангпен берілген.
Салдарынан екі жұмысшының беті мен көзі қышқылдан күйіп қалған.
Маңғыстау облыстық мемлекеттік еңбек инспекциясы департаменті басшысының міндетін атқарушы Бауржан Кемаловтың айтуынша, жазатайым оқиға туралы жұмыс беруші белгіленген тәртіппен хабарлаған.
«Қазіргі уақытта зардап шеккендердің жарақатының ауырлық дәрежесіне қатысты медициналық қорытынды күтілуде. Егер ауыр немесе топтық жазатайым оқиға белгілері анықталса, тергеу мемлекеттік еңбек инспекторының қатысуымен арнайы форматта жүргізіледі», – деді ол.
Айта кетейік, 2024 жылдың желтоқсанында осы Ақтаудағы атом энергетикалық комбинатында жөндеу цехының шебері құбыр басып қалып, қаза тапқан еді.
