2025 жылдың 9–13 маусымы аралығында Ақмола облысы, Зеренді ауылындағы көрікті Aurora Garden демалыс аймағында мектеп оқушылары мен колледж студенттеріне арналған «Debat Eli Academy» пікірсайыс академиясы өтеді.
Бұл – жас пікірсайысшылар үшін тек оқу емес, табиғат аясында өзін-өзі дамытуға, жаңа достармен танысуға және шешендік қабілетін шыңдауға арналған тамаша мүмкіндік.
Аталған жобаны «Debat Eli» қоғамдық қоры ҚР Оқу-ағарту министрлігіне қарасты Республикалық қосымша білім беру оқу-әдістемелік орталығымен бірлесе ұйымдастырып отыр. Академияның басты мақсаты – жастардың сыни ойлауын, шешендік шеберлігін және елжандылық қасиетін дамыту.
Екі бағыт – бір мақсат
Академияға еліміздің түкпір-түкпірінен іріктелген 50 қатысушы шақырылады. Олар:
Қазақ лигасы
Ағылшын лигасы бойынша екі топқа бөлінеді.
Қазақ лигасында – тәжірибелі бапкерлер мен беделді дебат чемпиондары дәрістер өткізіп, қатысушыларды логикалық ойлау мен риторика негіздеріне үйретеді.
Ағылшын лигасында – шетелден арнайы шақырылған халықаралық тренерлер ағылшын тілінде пікірсайыс мәдениетін үйретіп, қатысушыларға әлемдік тәжірибемен танысуға жол ашады.
Қалай қатысуға болады?
8–24 сәуір аралығында үміткерлер тіркеу формасын толтырып, 600 таңбадан аспайтын мотивациялық хат жібереді.
Іріктеу кезеңдері келесідей:
25 сәуір – мотивациялық хаттар негізінде қатысушылар алдын ала таңдалады;
28 сәуір – 2 мамыр – онлайн сұхбат кезеңі өтеді;
5 мамыр – әр лига бойынша 25 үздік қатысушының есімі www.debateli.kz сайтында және @rumcdo_official Instagram парақшасында жарияланады.
Академия – барлық жағдай жасалған орта
Қатысу тегін. Ұйымдастырушылар қатысушыларды жатын орынмен және үш мезгіл тамақпен қамтамасыз етеді.
Жол шығындары – қатысушыларды жіберуші тараптың есебінен қаралады.
Болашақ көшбасшыларға арналған алаң
«Debat Eli Academy» – бұл жай ғана пікірсайыс мектебі емес, жастардың әлеуетін ашатын шабыт алаңы. Мұнда қатысушылар тек білім мен тәжірибе алып қана қоймай, жаңа достар тауып, өмірлік маңызы бар дағдыларды меңгереді.
