Грек прокуратурасы 21 маусымда Идра аралындағы өрт шыққан кезде жеке яхтаның жолаушысы болған сегіз қазақстандыққа айып тақты, деп хабарлайды Tarazy ақпарат «Катимерини» газетіне сілтеп.
«Яхтада 10 қазақстандық болған, кәмелетке толмаған екі жолаушыға айып тағылған жоқ. Грекия билігі Қазақстаннан көмек сұрады, өйткені яхтаны жалға алушылар тергеуге дейін Грекиядан кетіп қалды. Айып жаңа дәлелдердің табылуына байланысты тағылды, оларды прокурор өрт болған жерде тергеу барысында анықтады. Өрт сөндірушілер өрт шыққан шығанақта отшашу қалдықтарын тапты», — деп жазады газет.
Айта кетейік, өрт 21 маусым күні кешке Идра аралының Бисти ауданындағы орманда басталды. БАҚ хабарламаларына сәйкес, өрттің себебі яхтадан атылған сигнал ракетасы немесе отшашу болды.
Сол күні «Катимерини» газеті ақпарат көздеріне сілтеме жасап, яхтаны 17 қазақстандық жалға алғанын хабарлады. Грекияның өрт сөндіру қызметі келесі күні 13 грек азаматы, яхта экипажы өрт шығару үшін қамауға алынғанын мәлімдеді. Олардың барлығы кінәсін мойындамады. Енді Грек прокуратурасы алдын-ала тергеу мен айғақтар нәтижесінде өртке яхта жолаушылары кінәлі және яхтада 10 қазақстандық болды, деген шешімге келген.
БАҚ-ның мәліметінше, яхта жолаушыларының арасында қазақстандық бизнесмен Данияр Әбілғазин, «Халық банкі» АҚ басқарма төрағасы Үміт Шаяхметова отбасымен болған. Әбілғазинді республикадағы ең бай адамдардың бірі деп атайды. Алайда олардың өзі бұл іске қатысты ешқандай пікір білдірмеді. Тек олардың аты аталған кейбір материалдар қазақстандық БАҚ беттерінен алынғаны байқалды.
Қазақстан тарапы Грекия үкіметінің сұранысына көмек көрсетіп, Данияр Әбілғазин, Үміт Шаяхметовалар Грекия соты алдында тұра ма белгісіз.