Bloomberg агенттігінің мәліметінше, Иран Ормуз бұғазы арқылы өтетін кемелерден ақы алу туралы заң жобасын әзірлеп жатыр, деп хабарлайды Tarazy.kz
Fars агенттігі аты аталмаған депутатқа сілтеме жасап, Иран парламенті бұғаздан қауіпсіз өтуді қалайтын кемелер үшін төлем енгізуді қарастырып жатқанын хабарлады.
Тегеран бұл арқылы теңіз саласында бұрыннан айтылып жүрген бейресми төлемді заңдастырмақ. Ол төлем мөлшері кей жағдайда 2 миллион долларға дейін жетуі мүмкін.
Заң жобасы келесі аптада толық бекітіледі деп күтілуде. Құжат қабылданса, Иран Ормуз бұғазы үстінен толық бақылауын заң жүзінде бекітеді.
Сарапшылардың пікірінше, мұндай шешім жаһандық саудаға әсер етуі мүмкін.
«Бұл соңғы жүз жыл бойы қалыптасқан еркін теңіз қатынасына кедергі келтіреді және әлемдік сауданы баяулатуы ықтимал», – деді Аманда Бьорнв Сингапурдағы теңіз конференциясында.
