Кәсіпкерлер палатасының алаңында ісін жаңадан бастап келе жатқан және де өз ісін бастағысы келетін болашақ кәсіпкерлер бизнесті жүргізудегі жеткіліксіз білімдерін алып, кәсіпкерлік негіздерін меңгереді, — деп хабарлайды Tarazy.kz.
Өңірлік палатаның бизнес-жаттықтырушысы Гульмира Метерованың айтуынша, жыл сайын бизнесті жүргізу бойынша білім алуға үміткерлердің саны өсіп келеді.
Мысалы, биыл «Бизнес-кеңесшіні» онлайн оқып, 943 адам аталған оқу бойынша сертификаттар алған. Бұлармен бірге Жамбыл облысына берілген жоспардағы 210 адам, сондай-ақ оффлайн түрде оқыған 620 адам оқыған. Мәселен, 19-20 қыркүйек күндері өткен оқыту семинарында 65 адам қамтылды.
Егер де Сіз «Бизнестің жол картасы 2020» бағдарламасы аясында грант алу үшін өтінім беруге ниет білдірсеңіз, «Бизнес-Кеңесші» жобасы бойынша курстан өтіп, сертификат алу міндетті шарт болып табылады. Оқу бағдарламасына келесі тақырыптар кіреді:
• кәсіпкерлікке кіріспе;
• кәсіпкерлік психологиясы;
• бизнес-жоспар;
• маркетингтік қызмет;
• қызметкерлерді басқару;
• кәсіпкерut арналған қаржы;
• кәсіпкерліктің құқықытық аспектілері;
• бизнесті жүргізуге қатысты ақпараттық-коммуникациялық технологияларды пайдалану дағдылары.
Егер Сіз жеке ісіңізді ашуды жоспарлап жүрсеңіз, немесе жеке ісіңізді жаңадан бастаған кәсіпкер болсаңыз «Бизнес-Кеңесші» оқыту курсына қатыса аласыз.
Сонымен қатар, оқыту үрдісінде тыңдаушылар бизнес-жоспарды қалай сауатты қою керектігін, бизнесті қолдаудың қандай мемлекеттік бағдарламалары бар екендігін, мүмкін болатын қауіптерді қалай есептеу керектігін оқып біледі.
Сонымен қатар, әр тыңдаушыға бизнесті жүргізу негіздері бойынша материалдар, стандартты құжаттар пакеттері, соның ішінде бизнес-жоспарлар, қаржыландыру алуға құжаттар үлгілері, маркетингтік зерттеулер нәтижелері, инновация енгізу саласында халықаралық тәжірибе, сондай-ақ шағын кәсіпкерлікті құру идеяларының анықтамалары ұсынылады.
«Қазірде кәсіпкерлікке қызығушылықты арттыру беталысы байқалады. Бұл ретте, өз ісін ашуды жастармен қатар, ересек адамдар да армандайды. Көбінесе тыңдаушылар қалыптасқан бизнес-идеяларды өтеді. Бірақ, тіпті ол болмаса, оқыту аясында біз нарықтағы бос тауашаларды, маркетингті зерттейміз, бизнес-жоспар жасауға көмектесеміз, адами ресурстарды басқару жөнінде айтамыз. Қысқаша айтқанда, кәсіпкерліктің барлық артықшылықтары мен кемшіліктерін есептеуге көмектесеміз. Бұл бірінші кезекте, тыңдаушыға өз күшіне сенімділік береді. Өйткені, белгілі болғандай, әрқашан алғашқы қадам басуға қиын» — деп белгіледі Гүлмира Метерова.
