Legatum Prosperity Index талдау институтының дерегіне сәйкес, Қазақстан әл-ауқат пен өркендеу деңгейін бағалайтын жаһандық рейтингте 66-орынға ие болды, деп хабарлайды Tarazy.kz
Орталық Азия елдері арасында Қазақстан ең жоғары көрсеткіштердің бірін көрсетті. Салыстыру үшін айтсақ, Қырғызстан рейтингте 87-орында, Өзбекстан 94-орында тұр. Ал Түрікменстан өңірдегі ең төменгі нәтижені көрсетіп, 150-орынға жайғасқан.
Зерттеу тарихына сүйенсек, Қазақстанның осы рейтингтегі ең жоғары көрсеткіші – 63-орын, ал ең төменгі нәтижесі – 82-орын болған. Жалпы, бақылау жүргізілген барлық жылдарды есептегенде, Қазақстанның орташа көрсеткіші әлем бойынша 72-орын.
