Саяхат саласында жарты ғасырлық тәжірибесі бар Lonely Planet басылымы Қазақстанды жыл сайынғы Best in Travel 2025 рейтингінде ең үздік туристік елдердің бірі ретінде жариялады, деп хабарлайды Tarazy ақпарат.
Lonely Planet сарапшылары саяхатшылардың, қызметкерлердің, авторлар мен туризм саласындағы басқа да мамандардың ұсыныстарына сүйене отырып, бағыттарды мұқият іріктеуден өткізеді.
2025 жылы таңдау Қазақстанға да түсіпті. Біздің елді бай тарихымен, сан алуан ландшафттарымен және бірегей мәдени мұрасымен басқа елдерден ерекше деп тапса керек.
Әлемге танымал тревел-басылымдар Қазақстанның туристік әлеуетін жоғары бағалайды. Айта кетсек, Conde Nast Traveler мен Wanderlust Қазақстанды 2024 жылы саяхаттауға арналған үздік әлемдік бағыттардың қатарына енгізген. Сондай-ақ, Алматы қаласы The New York Times есебінше ең үздік 52 туристік бағыттың қатарына кірді.