Биыл Тараз қаласы әкімдігі Жаңа жыл мерекесіне ақша аямаймыз деп отыр. 2018 жылы әкімдік 5,2 миллион теңге жұмсап, оның 2,6 миллион теңгесіне көшелерді безендіру үшін гирляндалар, неон және дюралайт ілмелер сатып алған. Ал, орталық алаңға бас шыршаны орналастыру мен отшашу ұйымдастыру үшін 2 миллион 596 мың теңге жұмсаған , — деп хабарлайды Тarazy.kz тілшісі.
Тараз әкімдігі жаңажылдық шыршаға деп биыл бюджеттен 15 миллион теңге бөліп отыр.
Қала әкімдігі «Конкурстың «Мемлекеттік сатып алу туралы» заңына сәйкес жүргізіліп отырғанын айтты. Сондай-ақ жаңа жыл мерекесіне қарсы облыс орталығын безендіру мақсатында бюджеттен 15 миллион теңге бөлініп отырғанын растады.
«ҚР «Мемлекеттік сатып алу туралы» заңына сәйкес Тараз қаласы әкімдігінің ішкі саясат бөлімі «Тапсырыс беруші» ретінде және Тараз қаласы әкімдігінің экономика және бюджетті жоспарлау бөлімі «Ұйыдастырушы» ретінде жаңа жыл мерекесіне қарсы облыс орталығын безендіру мақсатында «Эстетикалық безендіру қызметтер көрсету» лот бойынша 2019 жылдың 21 қазан күні ашық конкурс жариялады. Бұл мақсатқа бюджеттен бөлінген қаражат сомасы 15,0 миллион тенгені құрайды (2018 жылы жаңажылдық безендіруге 15,0 миллион теңге бөлінген болатын). Қаланы жаңа жылға безендіру жұмыстары Қазақстан Республикасы Тәуелсіздік мерекесінен кейін, яғни 2019 жылдың 18 желтоқсаннан кейін басталады. Осы лот бойынша Тараз қаласының орталық алаңы, көшелері, саябақтары, скверлері, аллеялары безендірілетін болады», — делінген әкімдік хабарламасында.
Әкімдік ашық конкурстың не себепті ерте жарияланғанын да түсіндірді.
«Мемлекеттік сатып алу туралы» заңына сәйкес конкурстың өткізілетін процедуралары кемінде 42 күнге дейін созылатындығын ескеретін болсақ, бұл жағдайда 2019 жылдың 3 желтоқсанына дейін, қазан айынан кейін жарияланған конкурс нәтижесінің болмайтындығы анық», — дейді әкімдік өкілдері.
6 метрлік шырша үшін әкімдік 15 миллион теңге төлеуге дайын. Оған қоса орындаушы жарықтандыру бойынша бірнеше композиция әзірлеуі тиіс екен. Олар – шанаға жегілген бұғы, қар мен жұлдыздар бейнеленген 2 метрлік безендірулер, «2020» деген жазудан тұратын екі конструкция болу керек.
2017 жылы Жаңа жыл мерекесіне деген шығын көлемі 2,6 миллион теңге болған.
