Жол активтерінің ұлттық сапа орталығы (ЖАҰСО) жұмыс процесіне цифрлық технологияларды белсенді енгізуді жалғастыруда. Заманауи әдістерді қолдану арқылы қызметкерлердің кәсіби дайындығын жақсартуға және жұмыстың тиімділігін арттыруға ерекше көңіл бөлінуде.
Осы бағыттағы маңызды бастамалардың бірі – виртуалды жаттығу құрылғысын енгізу. Бұл құрылғының көмегімен зертхана қызметкерлері VR көзілдірік (виртуалды шындық) арқылы тәжірибе жинақтап, арнайы емтихандар тапсыра алады. Бұл әдіс тек мамандар үшін емес, сондай-ақ студенттер үшін де пайдалы. Олар құрылғымен жұмыс істеу барысында практикалық дағдыларды меңгеріп, кәсіби тәжірибе жинауға мүмкіндік алады.
ЖАҰСО орталық аппаратының IT маманы Кирилл Гриненко жақында Алматы филиалының қызметкерлеріне виртуалды жаттығу құрылғысын таныстырып, оның жұмыс принциптері мен артықшылықтарын көрсетті. Жаңа технология жұмыс процесін оңтайландыруға және сапаны бақылауды жақсартуға септігін тигізбек.
Цифрлық шешімдерді енгізу ЖАҰСО-ның болашақтағы даму стратегиясының маңызды бөлігі болып табылады. Бұл бағытта орталық алдағы уақытта да инновациялық жобаларды іске асыруды жоспарлап отыр.
