Автор: admin

Қазақстандық спортшы Давид Дегтярев Жапонияның Аичи мен Нагоя қалаларында өтіп жатқан 2026 жылғы Азия Пара ойындарының чемпионы атанды, деп хабарлайды Tarazy.kz Отандасымыз пара пауэрлифтингтен 54 келіге дейінгі салмақта алтын медаль жеңіп алды. Давид Дегтярев 191 келіні бағындырып, Азия Пара ойындарының рекордын жаңартты. Күміс медаль Қытай спортшысы Ян Цзинлянға бұйырса, Индонезия өкілі Хильман қола жүлдеге ие болды. Айта кетейік, бұл — Қазақстан құрамасының биылғы Азия Пара ойындарындағы екінші алтыны. Бұған дейін Еркін Ғаббасов 10 метр қашықтан пневматикалық мылтықпен нысана көздеуде (R1) топ жарып, ел қоржынына алғашқы алтын медальді салған еді.

Қазақстан мұсылмандары діни басқармасы (ҚМДБ) жариялаған күнтізбеге сәйкес қасиетті Рамазан айы 8 ақпанда басталады. Ораза айт 9 наурызға, ал Құрбан айт 16-18 мамыр аралығына түсіп тұр, деп хабарлайды Tarazy.kz Мұсылмандар 2027 жылғы 8 ақпаннан бастап ораза ұстайды. Қасиетті ай дәстүр бойынша құлшылық етуге, рухани жағынан тазаруға, қайырымдылық жасауға арналған. Рамазан айы 29 немесе 30 күнге созылады. Оның ұзақтығы ай күнтізбесіне байланысты. Осы кезеңде мұсылмандар таң атқаннан күн батқанға дейін ішіп-жеуден тыйылып, құлшылыққа көбірек көңіл бөледі және игі істер жасауға ұмтылады. ҚМДБ күнтізбесінде мұсылмандар үшін маңызды өзге де күндер көрсетілген: Бараат түні — 23 қаңтарға қараған түн; Рамазан оразасы басталуы -…

Қазақстанда қаржы нарығының өсу қарқыны айтарлықтай төмендеді. 2024-2025 жылдары 19-20 пайыз деңгейінде болған өсім 2026 жылдың алғашқы жартыжылдығында небәрі 2,9 пайызды құраған. R-Finance кеңесшісі, экономист Арман Байғанов мұндай өзгеріске несие беру талаптарының қатаңдатылуы әсер еткенін айтады, деп хабарлайды Tarazy.kz Экономистің мәліметінше, биылғы алғашқы алты айда қаржы нарығының өсімі ел экономикасының даму қарқынынан да төмен болған. Атап айтқанда, қаржы нарығы 2,9 пайыз өссе, жалпы экономикалық өсім 4,1 пайызды құраған. Экономиканың 4,1 пайыз өскенін үкіметтің ресми деректері де растайды. Ал бұған дейін жағдай басқаша еді. 2024-2025 жылдары қаржы нарығы жыл сайын шамамен 19-20 пайыз өсіп, экономиканың жалпы өсу қарқынынан 3-4 есе жоғары…

Brent маркалы мұнай өткен аптаны барреліне шамамен 110,4 доллар бағасымен аяқтады. Бір апта ішінде мұнай бағасы 2,3%-ға өсті. Жұма күні Иран Сауд Арабиясының энергетикалық нысандарына соққы беруге дайындалып жатқаны туралы ақпарат тарағаннан кейін баға бірден 3,8%-ға қымбаттады. Алайда бұл мәлімет әзірге ресми түрде расталған жоқ, деп хабарлайды Tarazy.kz Апта ішінде мұнай бағасы барреліне 112 долларға дейін көтеріліп, кейін 105,5 долларға дейін төмендеді. Нарыққа Таяу Шығыстағы шиеленіс пен Оман шығанағы арқылы мұнай тасымалдаудағы іркілістер әсер етті. UBS мәліметінше, осы бағыт арқылы тасымалданатын шикі мұнай көлемі тәулігіне 9,1 млн баррельге дейін қысқарған. Ресеймен, Иранмен және Венесуэламен байланысты танкерлерге салынған санкцияларды жеңілдету мүмкіндігі…

Қазақтың тұңғыш журналы атанған «Айқап» журналының алғашқы саны осыдан 115 жыл бұрын 1911 жылғы 10 қаңтарда Троицк қаласында жарық көрді. «Айқаптың» тарихи маңызы оның белгілі бір кезеңдегі оқиғаларды тіркеуімен ғана өлшенбейді. Журнал қазақ қоғамының өзекті мәселелерін ортақ талқыға шығарып, елдің әлеуметтік санасын өзгертуге бағытталған тұтас ағартушылық бағдар қалыптастырған еді. «Айқаптың» редакторы әрі шығарушысы Мұхамеджан Сералин болды. «Айқап» белгілі бір зиялы қауымның ғана пікір алаңы болып қалмай, ел ішіндегі сауатты оқырманның қоғамдық және рухани қажеттілігіне жауап берді. «Айқапта» жарияланған материалдың мазмұны оның ұлттық сананы қалыптастырудағы бағытын нақты көрсетеді. Соның бірі – «Қазақ халқының мұқтаждығы» атты мақалада елдің әлеуметтік жағдайы, жердің тарылуы, тұрмыс ауыртпалығы және шаруашылық…

Астанада өтіп жатқан Astana Media Week 2026 медиаапталығының тілдік форматы, спикерлердің аудиториямен байланысы және өңірлік журналистер үшін практикалық құндылығы сынға ұшырады, деп хабарлайды Tarazy.kz Форумға қатысқан өңірлік бұқаралық ақпарат құралдарының өкілдері биыл пайдалы ақпараттың аз болғанын және талқылаулардың кәсіби қажеттіліктеріне толық жауап бермегенін айтты. Биылғы медиаапталық 14-16 қазан аралығында Бейбітшілік және келісім сарайында өтіп жатыр. Форум бағдарламасында жасанды интеллектінің журналистикаға ықпалы, медиа нарығы, ақпараттық саясат және отандық контентті дамыту мәселелері қамтылған. Алайда өңірлерден келген қатысушылардың пікірінше, мұндай іс-шаралардың тиімділігі көтерілген тақырыптармен ғана емес, ұсынылған ақпараттың сапасы мен журналистерге беретін практикалық пайдасымен де өлшенуі керек. Форумда қазақ тіліне жеткілікті көңіл бөлінді…

Қазақстан халықаралық World Population Review статистикалық платформасы жариялаған Most Powerful Countries 2026 рейтингінде 100 мемлекеттің арасында 34-орынға тұрақтады, деп хабарлайды Tarazy.kz Қазақстан Дания (36-орын), Біріккен Араб Әмірліктері (37-орын), Оңтүстік Африка Республикасы (38-орын), Норвегия (39-орын), Сауд Арабиясы (40-орын), Пәкістан (42-орын) және Иран (46-орын) секілді бірқатар мемлекеттен озық тұр. Рейтинг нені бағалайды? Рейтинг мемлекеттердің халықаралық аренадағы қуаты мен ықпалын бағалайды. Бұл ретте елдердің экономикалық және саяси ықпалы, көшбасшылық рөлі, халықаралық одақтастық байланыстары мен әскери әлеуеті ескеріледі. Осылайша мемлекеттердің экономикалық ауқымы ғана емес, әлемдік аренадағы беделі мен ықпалды орны да бағаланады. Рейтингіге енген посткеңестік мемлекеттер арасында Қазақстан Ресейден (11-орын) кейін екінші орынға жайғасқан. Ал…

Қазақстанда алаяқтардың арбауына түскен азаматтарға 5,9 миллиард теңге қайтарылды, деп хабарлайды Tarazy.kz 3 жыл ішінде интернет алаяқтық саны 40 пайызға азайып, мұндай қылмыстарды ашу деңгейі 29,9 пайызға өскен. Ұлттық банктің Антифрод орталығының арқасында кейінгі жылдары зардап шеккендерге миллиардтаған теңге қайтарылған, 117 миллиард теңгеден аса қаражат бұғатталған. Елде дропперлерге қылмыстық жауапкершілік те қарастырылған. Сонымен қатар, жеке деректі қорғау конституциялық деңгейде бекітілген. Маңызды дерегі бар базаларға қол жеткізу үшін міндетті биометрия енгізілген. Азаматтарға SMS код пен құпия сөзді ешкімге бермеуге, сілтемелерді мұқият тексеруге, екі факторлы аутентификация қосуға кеңес берілді.

Қазақстанда смартфондардың IMEI-кодын верификациялауға өтінім беру қызметі eGov Mobile қосымшасында қолжетімді болды. Енді жеке тұлғалар мобильді қосымша немесе portal.imei.gov.kz порталы арқылы өтінім бере алады, деп хабарлайды Tarazy.kz Жаңа қызметті пайдалану үшін қосымша құжаттар жинаудың қажеті жоқ. Қажетті мәліметтер, оның ішінде шекарадан өту туралы ақпарат жүйе арқылы автоматты түрде алынады. Өтінім беру үшін eGov Mobile қосымшасындағы «IMEI верификациясына өтінім беру» қызметін таңдау қажет. Одан кейін дербес деректерді өңдеуге келісім беріп, Digital ID арқылы биометриялық сәйкестендіруден өту керек.

Шымкентте Қайрат Нұртастың концертінде қауіпсіздік талаптары бұзылуына байланысты қылмыстық іс қозғалды, деп хабарлайды Tarazy.kz Алдын ала мәліметке сәйкес сатылған билеттер саны концерт алаңының рұқсат етілген сыйымдылығынан едәуір асып кеткен. Бұл адамдар шамадан тыс жиналуына әкеп соғып, көрермендердің қауіпсіздігіне қатер төндірген. «Адамдар қысылып қалуы салдарынан 18 жастағы қыз жарақат алып, ауруханаға жеткізілді. Әлеуметтік желіде адамдар қаза тапқаны туралы ақпарат тараған, бұл шындыққа сәйкес келмейді. Қаза тапқандар жоқ», — деді Шымкент ПД өкілі. Концерт ұйымдастырушысы, яғни 1984 жылы туған Л. ұсталып, уақытша ұстау изоляторына қамалған. «Тергеу жүргізіліп жатыр. Тергеу барысы Шымкент қаласы Полиция департаменті басшылығының бақылауында», — деп жазылған хабарламада.