Louis Vuitton Moët Hennessy (LVMH) сән үйінің қожайыны француз Бернар Арностал байлығы 100 миллиард долларға жеткен ең бай үшінші адам атанды, — деп хабарлайды Lenta.ru америкалық Bloomberg басылымына сілтеме жасап.
Қазіргі уақытта Арноның байлығы 100,4 миллиард доллар деп бағаланып отыр. Соңғы күндері оның ақшасы үш миллиардқа артқан. Жыл басында Арноның активтері 32 миллиард долларға ұлғайған. Себебі LVMH компаниясының акциялары 43 пайызға артқан екен.
Bloomberg басылымының мәліметінше миллиардер рейтингінде Арно үшінші орында тұр. Арно Amazon интернет-компаниясының иесі, байлығы 119 миллиард доллар деп саналатын Джефф Безос және Microsoft компаниясының басшысы Билл Гейтске қана есе жіберіп тұр. Билл Гейтстің байлығы 106 миллиард доллар деп бағаланған.
Bloomberg басылымы Арноның байлығын Францияның ЖІӨ-ның 3 пайызына тең екенін хабарлады. Ал Forbes басылымы Арноның байлығын есептей отырып, оны ең бай адамдардың үшіншісі деп отыр. Яғни бірінші орында Безос (156,2 миллиард доллар), ал екінші орында Гейтс (102,4 миллиард).
