Шымкентте жасөспірім кішкентай қызды көшеде ұстап алып, зорламақ болған. Оқиға 1 ақпанда болған. Күдіктінің әрекеті көшедегі бейнебақылау камерасына түсіп қалған, деп хабарлайды Tarazy.kz
Қалалық полиция департаменті оқиғаға қатысты ақпаратты растады. Ведомствоның мәліметінше, баланың ата-анасы полицияға арызбен жүгінген. Аталған дерек бойынша қылмыстық іс қозғалды.
Күдікті жасөспірім ізін суытпай ұсталып, уақытша ұстау изоляторына қамалған. Сонымен қатар оның ата-анасы да полиция бөлімшесіне жеткізілген.
«1 ақпанда полицияға жасөспірімнің кәмелетке толмаған қызды ұстап алып, оған қатысты заңсыз әрекет жасауға талпынғаны туралы арыз түсті. Полиция қызметкерлері оқиға орнына жедел жетті», – деп хабарлады Шымкент қаласының полиция департаменті.
Қызбен психологтың қатысуымен әңгіме жүргізілді. Қазіргі таңда оның өмірі мен денсаулығына қауіп төніп тұрған жоқ. Тергеу амалдары жалғасып жатыр.