Алғашқы төрт айдағы ұлттық қорға құйылған қаржы көлемі белгілі болды.
Биылғы бірінші тоқсанда Ұлттық қорға 785,37 млрд теңге түскен, деп хабарлайды Tarazy.kz
Оның негізгі бөлігі мұнай секторындағы компаниялардан жиналған салық пен төлем есебінен қалыптасқан. Соның ішінде:
- мұнай секторындағы заңды тұлғалар төлеген корпоративтік табыс салығы — 312,9 млрд теңге;
- өнімді бөлу бойынша Қазақстан үлесі — 238,75 млрд теңге;
- мұнай компаниялары төлеген пайдалы қазбаларды өндіру салығы — 167,5 млрд теңге;
- экспортқа шығарылатын шикі мұнай мен газ конденсатына салынатын ренталық салық — 62,4 млрд теңге;
- өнімді бөлу туралы келісім аясындағы қосымша төлем — 2,1 млрд теңге;
- артық пайда салығы — 353,7 млн теңге. Бұл төлем тек наурызда түскен.
Бұған дейін сәуірде Ұлттық қордан 300 млн доллар көлемінде валюта сатылғаны айтылған еді. Жыл басынан бері қордан күн сайын орта есеппен: қаңтарда 18,5 млн доллар; ақпанда 20 млн доллар; наурызда 22 млн доллар; сәуірде 13,6 млн доллар көлемінде валюта сатылған.
