Алматыда ерекше мәдени шара — «Алтын сандықшаның құпиясы» атты комикстің тұсаукесері өтті, деп хабарлайды Tarazy ақпарат.
Комикс оқырмандарды қызықты да шытырман оқиғаларға толы әлеміне жетелеп, оның кейіпкерлері түрлі өмірлік жағдайларға, тарихи, кейде жұмбақ оқиғалардың эпицентріне түседі. Комикс әр оқырманға тылсым әлемге ұмытылмас саяхат пен әсерлі эмоциялар сыйлайды.
Тұсаукесерге автордың достары Арман Исағалиев пен Мадияр Мұсылманов, сондай-ақ комиксті шығаруға ат салысқан суретші Марат Көмеков пен «Khancomics» баспасының редакторы Оразхан Жақұп қатысты. Олар комиксті жасау барысындағы қызықты жайттармен және өздерінің шығармашылық ізденістері мен шабыттары туралы ойларыменбөлісті.
«Думан» тобы мен Сұлтан Дінасыловтың өлеңдері кештің ерекше көңіл-күйін көтерді. Олардың өнерлері Алматы қаласында Жан Қастеев кезінде құрған музыкалық жастық шаққа оралған әсер сыйлады.
Бұл кеш комикс жанкүйерлері мен қала мәдениетінің қалың қауымы үшін нағыз мереке болды. «Алтын сандықшаның құпиясы» комиксі отандық әдебиет пен өнер әлеміне жанашырларға, әр жастағы оқырмандарға қызық әлемге сапар шшегу мүмкіндігін сыйлайды деген үміттеміз.