Алматы облысында орналасқан еліміздің жауһары көрікті Көлсайда тоғызқұмалақтан TaryCup турнирі өтті. Respublica партиясының ұйытқы болуымен өткен зияткерлік ойын жарысына спортшылар Қазақстанның әр аймағынан келді. Партияның Алматы агломерациясы мұрындық болып, Respublica партиясының тең төрағалары, кәсіпкер азаматтар Руслан Берденов пен Сырымбек Тау қолдау білдірген турнир жоғары деңгейде ұйымдастырылған.
Жарысқа 50 ер, 50 әйел тоғызқұмалақшы тіркеліп, өзара бақ сынасты. 6 турға созылған турнир нәтижесінде ерлер арасында үздік шыққандар:
1 орын — Дәкен Ельдар, Алматы қаласы
2 орын — Темірбаев Ғалымжан, Шымкент қаласы
3 орын — Ауталипов Ерасыл, Павлодар облысы және Нұржанұлы Мейірлан, Алматы қаласы;
Ал қыздар арасында үздік шыққандар:
1 орын — Намаз Ақбота, Түркістан облысы
2 орын — Исахан Аяна, Абай облысы
3 орын — Сарсенбаева Забира, Алматы қаласы және Мақсатқызы Ақнұр, Алматы облысы;
Жүлдегерлер дипломдармен және ақшалай сыйлықтармен марапатталды. Ұйымдастырушылар TaryCup турнирін дәстүрлі түрде өткізетінін айтты. Жарыстың жоғары деңгейде өтіп, көрікті аймақта есте қаларлық турнир болуына алматылық Respublica жастары да зор үлес қосты.
