21 қараша күні «Қазтелерадио» АҚ өзінің жоспарлы-профилактикалық жұмыстарын жүргізу мақсатында спутниктік және эфирлік желілерде хабар таратуды тоқтатады. «Қазтелерадио» мұндай іс-шараны әр үш ай сайын жүргізеді, деп хабарайды Tarazy ақпарат.
Компанияның ресми сайтындағы ақпаратқа сәйкес 2024 жылдың 21 қарашасы күні сағат 03.00-ден 17.00-ге дейін жылдың IV кварталы үшін жоспарлы-профилактикалық жұмыстар жүреді. Ол уақытта спутниктік, сандық және эфирлік желілер қызметі тоқтайды. Техникалық іс-шара уақытында Қазақстан аумағында телерадио арналарда трансляция болмайды.
