Америкалық балықшы Мэтт Райли алып ақ акуланың кит етін жеп жатқанын видеоға түсірген. Судағы жыртқыштың әрекетін ер адам Кейп-Код бұғазында көрген, – деп хабарлайды Lenta.ru.
«Мен бұрын-соңды көрген ең әсерлі жағдай осы болды. Ұзындығы алты метрге жететін үлкен ақ акулалар өліп қалған кит етін жеп жатыр», – деп жазды балықшы Instagram желісіндегі парақшасында. Сондай-ақ ол өлі кит пен акуланың суретін және екі видео жариялаған.
Бірінші видеода акула балықшы отырған қайыққа шабуыл жасаған. Ер адамның оның ұзындығына таңғалғаны естіледі. Екінші видеода Райли акуланың өлі кит маңында айналшықтап жүріп, артынша етін жеп жатқанын түсірген.