Алматы облысының киелі Кеген топырағында мектеп оқушылары арасында дәстүрлі әншілер мен күйшілердің «Тәңіртау таланттары» атты аймақтық байқауы жоғары деңгейде өтті. Хантәңірі баурайын ән мен күйге бөлеген бұл шара Президент Қ.К. Тоқаевтың аймақтарды рухани қуаттандыру және азаматтық белсенділікті арттыру туралы бастамасы аясында ұйымдастырылды, деп хабарлайды Tarazy.kz
Байқаудың негізгі мақсаты — Жетісу әншілік және күйшілік мектебінің ірі өкілдері, өмірден ерте кеткен өнер саңлақтарының рухын ұлықтау. Атап айтқанда, ҚР Мәдениет қайраткерлері Жақсылық Мырқаев пен Ерлан Стамғазиев, өнертанушы-зерттеуші Базаралы Мүптекеев және халықаралық лауреат, фольклортанушы Ғалымжан Досанұлының есімдері мен мұралары жас ұрпаққа кеңінен насихатталды.
Байқаудың қазылар алқасына төрағалық еткен ҚР Халық әртісі Рамазан Стамғазиев шараның маңызына тоқталып өтті.
Бас-аяғы 45-ке жуық өнерпаздар келді: әншілер, күйшілер. Әрқайсысы сонау көнеден келе жатқан халық күйлерін, халық әндерін, халық композиторларының, кейінгі заман композиторларының көптеген әндері сахнада шырқалды.
“Бұл конкурстың негізгі бағыты — жастарға жол ашу, жалпы үлкен өнерге қарай тарту. Сонымен бірге, біздің өзімнің жан досым Ғалымжан Досанов және өзімнің туған інім Ерлан Стамғазиевтің өмірден өткеніне, соларды еске ала жүруіне арналған бір рухтық байқау болатын. Енді қарасам, қазір облыс көлемінде бұл байқау ұлғайды. Сол бауырларымыздың өкшесін басқан жастарды көріп қуанам. Ел аман болсын! Бесігінде ән мен жырға тербелген жастарымыздың қатары көбейгеніне қуанам», — деп атап өтті.
Өнер додасына Алматы облысының Кеген, Райымбек, Ұйғыр, Еңбекшіқазақ және Жетісу облысы, Панфилов (Жаркент) аудандарынан іріктелген 45-ке жуық дарынды оқушы қатысты. Үміткерлер екі номинация бойынша бақ сынады:
— «Дәстүрлі ән»: Халық әндері мен халық композиторларының, сондай-ақ заманауи авторлардың шығармалары шырқалды.
Байқау тек сахналық өнермен шектелмей, маңызды экологиялық-тәрбиелік шарамен жалғасты. Байқаудың әділ қазылары мен ұйымдастырушылары Кеген ауданында жас көшеттер егіп, «Таланттар аллеясының» негізін қалады. Бұл символикалық қадам — табиғатты аялау мен өнердің мәңгілік өміршеңдігін, өнерпаздар мен көшеттердің бірге бой түзеп, өркен жаюын білдіреді.
Қазылар алқасының шешімімен ең үздік деп танылған таланттар дәстүрлі өнер саңлақтары атындағы арнайы сыйлықтармен марапатталды:
Ұйымдастырушылар (Алматы облысы Білім басқармасы мен Кеген ауданы әкімдігі) бұл байқауды жыл сайынғы дәстүрге айналдыруды көздеп отыр. Хантәңірі баурайындағы бұл рухани қозғалыс — ұлттық кодты сақтаудың және жас ұрпақты отансүйгіштікке баулудың нақты құралына айналды.
