Тұрғын үй құрылысы бойынша тұрғын үй кезегінде тұрған аз қамтылған 60 отбасын тұрғын үймен қамтамасыз ету мақсатында инвестор тартылып, 2021 жылы Сарымолдаев ауылында жалпы 44 пәтер болатын 1 тұрғын үй 4 пәтерден тұратын 11 тұрғын үйдің құрылысы жоспарланған 11 тұрғын үйді сатып алуға қаржы бөлу үшін облыс әкімдігінің құрылыс басқармасына 497 млн. 732 мың тг. бюджеттік өтінім тапсырылды. 1 шаршы метр 140,0 мың тг. құрайды.
Қазіргі уақытта құрылыс жұмыстары жүргізілуде.
Сонымен қатар, Меркі ауылында жалпы 300 пәтер болатын 5 қабатты 60 пəтерлі 5 тұрғын үйдің құрылысына жобалық сметалық құжаты әзірленіп, сараптама қорытындысы алынды. Әр тұрғын үйдің сметалық құны 836 млн.837 мың тг. құрайды.
Жалпы 5 көппәтерлі тұрғын үйдің құрылысына 4 млрд 141 млн 505 мың тг. қаржы бөлу үшін облыс әкімдігінің құрылыс басқармасына бюджеттік өтінім тапсырылды.
«Асарлатып үй салу» жобасы бойынша
«Асарлатып үй салу» жобасы аясында 13 тұрғын үйді пайдалануға беру жоспарланған. Бүгінгі күнге Т.Рысқұлов, Кеңес, Ақтоған ауылдарындағы 3 тұрғын үйдің және 1 асхананың құрылысы аяқталып, пайдалануға берілді.
