Автор: admin

Жамбыл облысындағы Отар ауылында орналасқан 30212 әскери бөлімі аумағында кезекті алаңдатарлық жағдай болды. Алдын ала мәліметке сәйкес, әскери қызметші қолына ауыр жарақат салған, деп хабарлайды Tarazy.kz Журналист Михаил Козачковтың хабарлауынша, оқиға сарбазға тікелей басшысы ескерту жасағаннан кейін болған. Сол сәтте әскери қызметші өрт қалқанынан балта алып, қолын жарақаттаған. Кей мәліметтерде оның саусақтарын шауып тастағаны айтылса, басқа деректерде сарбаздың қолы терең тілінгенімен, саусақтарын аман алып қалғаны көрсетіледі. Оқиға Жамбыл облысы аумағындағы Отар гарнизонында болған. Қазіргі таңда жағдайдың нақты мән-жайы анықталып жатыр. Ресми органдар әзірге түсініктеме берген жоқ. Материал жарияланған сәтте Қорғаныс министрлігі тарапынан ресми ақпарат ұсынылмады.

Мәжіліс депутаты Нұргүл Тау қысқы демалыста Алматы облысына жалғасқан іс-сапарымда тұрғын халыққа жақсы жаңалықпен барғанын айтты, деп хабарлайды Tarazy.kz Жарты жылға созылған табанды еңбектің, сондай-ақ ҚР Ұлттық экономика, Қаржы министрліктерінің және Алматы облысы әкімдігінің қолдауының нәтижесінде өңір үшін маңызды бірқатар жобаларға қаржы бөлінді. Атап айтқанда: — Талғар ауданы, Тұрар Рысқұлов ауылындағы №16 мектепке жапсаржай салынады; — Еңбекшіқазақ ауданы, Тескенсу ауылдық округінде дене шынықтыру-сауықтыру кешені бой көтереді; — Райымбек ауданы, Қайнар ауылында дене шынықтыру-сауықтыру кешені салынады. Сонымен қатар, сапар барысында Талғардағы агробизнес және менеджмент колледжінде салынып жатқан 115 орындық жатақхананың құрылыс барысымен таныстым. Бұл – жастардың сапалы білім алып, қолайлы жағдайда…

Премьер-министр Олжас Бектенов Президент Қасым-Жомарт Тоқаевтың бағдарламалық сұхбаты Үкімет жұмысының басым бағыттарын нақты анықтап бергенін атап өтті, деп хабарлайды Tarazy.kz «Президенттің бағдарламалық сұхбаты алдағы мақсат-міндеттерді айқындап берді. Барлық орталық және жергілікті мемлекеттік органдар, сондай-ақ ұлттық компаниялар оларды табысты жүзеге асыру үшін бар күш-жігерін салуы тиіс. Сөзден іске кірісіңіздер. Кез келген мәселеге прагматикалық тұрғыдан қарап, бюджет қаражатын барынша үнемдеп, нақты нәтиже берулеріңіз қажет. Ал есеп беру, презентация жасау дегеннің бәрін доғарсаңыздар. Нәтиже болмаса, оның бәрі бос әңгіме. Жұмыс істей алмасаңыздар ашық айтыңыздар. Біз бұл мәселені шешеміз», — деп атап өтті Олжас Бектенов. Премьер-министр орынбасарларына барлық тапсырманың орындалу барысын өз бағыттары бойынша үйлестіруді…

2024 жылға арналған табыс декларациясына сәйкес, сол кезеңде Алматы қаласының әкімі қызметін атқарған Ерболат Досаев өзінің жылдық табысын 14 млн теңге деп көрсеткен, деп хабарлайды Tarazy.kz Ал оның жұбайының сол жылғы табысы 2,34 млрд теңгені құраған. Бұл көрсеткіш шенеуніктің өз табысынан бірнеше есе жоғары. Аталған мәліметтер 2024 жылға арналған жеке тұлғалардың табыс декларациясында көрсетілген. Ерболат Досаев бұған дейін Алматы әкімі, Қазақстан Ұлттық банкінің төрағасы және Ұлттық экономика министрі қызметтерін атқарған. Қазіргі таңда ол Қазақстан Республикасы Президенті Әкімшілігі басшысының орынбасары лауазымында жұмыс істейді.

Қазақстанда медицина кадрларының тапшылығы жиі айтылғанымен, өңірлерге барған жас мамандарға жасалатын нақты жағдай көңіл көншітпей отыр. Бұл туралы Әнел Жұмаділ есімді жас дәрігер әлеуметтік желіде ашық мәлімдеді, деп хабарлайды Tarazy.kz Оның айтуынша, өзін Алатау қаласына дәрігер ретінде жұмысқа шақырған. Жұмыс беруші тарапынан қызметтік пәтер беру және тұрғын үйге арналған көтермеақы қарастырылатыны айтылған. Осы уәделерге сеніп, ол ресми түрде жұмысқа орналасқан. Алайда қызметтік тұрғын үйді дәрігерге тек арада уақыт өткен соң ғана көрсеткен. «Мұндай жерде адам тұра алмайды» Дәрігердің сөзінше, алдымен ұсынылған пәтердің жағдайы тым нашар болған. «Алғаш көрсетілген пәтерді тіпті видеоға да түсіре алмадым. Ішінде арақ бөтелкелері шашылып жатыр, жөндеу жұмыстары…

«Соколов-Сарыбай» кен орнында бақылаусыз жарылыс болып, бір жұмысшы зардап шекті, деп хабарлайды Tarazy.kz Оқиға 5 қаңтарда болған. Бұл ақпаратты кәсіпорынның корпоративтік коммуникациялар қызметі растады. Ведомство мәліметінше, 25 жылдық тәжірибесі бар 55 жастағы машинист ірі кен кесектерінің кептелуін жою жұмыстарын атқарып жатқан. Аталған жұмыстар өндірістік жарылғыш заттарды қолдану арқылы орындалған. Бақылаусыз жарылыс нәтижесінде жұмыскер жарақат алып, Рудный қалалық ауруханасына жеткізілді. Қазіргі уақытта оқиғаға байланысты қызметтік тергеу басталды.

Қазақстанда ақылы автожолдардың саны артады, деп хабарлайды Tarazy.kz Бұл бастама жол желісін ұзақ мерзім бойы талапқа сай күйде ұстау, жөндеу мен күтіп-ұстауға арналған тұрақты қаржыландыру тетігін қалыптастыру, сондай-ақ республикалық бюджетке түсетін салмақты азайту мақсатында қолға алынып отыр. Алдағы уақытта ақылы жүйе енгізілуі мүмкін негізгі автожол учаскелері мыналар: Қарағанды – Балқаш бағыты Бұрылбайтал – Күрті аралығы Ақтөбе – Қандыағаш автожолы Талдықорған – Өскемен бағыты Атырау – Астрахань жолы Меркі – Шу учаскесі

Қазақ футболының ардагері, тәжірибелі ойыншы әрі бапкер Марат Жалғасұлы Есмұратов 65 жасында өмірден озды, деп хабарлайды Tarazy.kz Қазақстан футбол федерациясы марқұмның отбасы мен туған-туыстарына, жақындарына және барша футбол қауымдастығына қайғыра көңіл айтты. «Марат Жалғасұлы — отандық футболдың дамуына елеулі үлес қосқан тұлға. Қазақстан ұлттық құрамасының сапында жеті мәрте алаңға шыққан. Кәсіби еңбек жолында «Мелиоратор», «Машук», «Қайрат», СКИФ-«Ордабасы», «Актюбинец», «Мұнайшы»»клубтарында өнер көрсетіп, 2001 жылы туған клубы «Қайсар» сапында футболшы мансабын аяқтады», — деп жазылған хабарламада. Ол Қазақстан Премьер-лигасында 265 матч өткізіп, 6 гол соққан. Жаттықтырушы ретінде «Қайсар», «Ақ Бұлақ», БЖМОРСМ №2, «БТА Футзал» МФК, «Жетісу» және «Алтай» клубтарында жұмыс істеген.

Нұрсұлтан Назарбаевтың жиен немересі Нұрәлі Әлиев туған күнін Дубайда дүркіретіп атап өтті, деп хабарлайды Tarazy.kz Туған күн кешінен кадрларды Әлиевтің өзі әлеуметтік желідегі парақшаларында бөліскен. Суреттерден туған күнде оны балалары да жүргенін байқауға болады. Туған күн Дубайдағы Terra solis Dubai курорттық қонақүйінде өткен. Кеште қазақстандық этно топ өнер көрсеткен. Айта кетейік, Нұрәлі Әлиев, Forbes мәліметтері бойынша, Қазақстандағы ең бай 75 адамның рейтингінде 39-орында. Ол «Capital Holding» ЖШС мен «Darmen Holding» ЖШС-нің мажоритарлық акционері. Әлиев Дубайда (БАӘ) орналасқан Donatello Hotels and Resorts қонақүй желісіне, Алматыдағы Donatello Boutique Hotel қонақүйіне, сондай-ақ Алматы мен Астанадағы бірнеше мейрамханаға иелік етеді. Ақпан айында Әлиев Instagram парақшасында сату мәмілесіне…

Алматыда 14 жастағы жасөспірім бір аптаға жуық уақыттан бері іздестіріліп жатыр, деп хабарлайды Tarazy.kz Алматыда 14 жастағы жасөспірім Тигран Шибаевты іздеу жұмыстары жүргізіліп жатыр. Ол 30 желтоқсанда үйінен шығып кеткеннен кейін қайта оралмаған. 2011 жылы туған Тигран Шибаев сол күні Есенов көшесіндегі үйінен шығып, телефонын жөндету үшін ЦУМ бағытына бет алған. Содан бері оның қайда екені белгісіз. Алматы қалалық Полиция департаменті кәмелетке толмаған бала жоғалуы бойынша іздестіру ісі қозғалғанын хабарлады. Іздеу жұмыстарын үйлестіру үшін арнайы жедел тергеу тобы құрылып, полиция қызметкерлері мен еріктілер жұмылдырылған.