Автор: admin

Талғардағы төбелес кезінде қаза тапқан Шерзат Болаттың ісі бойынша екі күдіктіден кассациялық шағым түскен, деп хабарлайды Tarazy.kz  Бұл туралы жәбірленуші тараптың адвокаты Мейірман Шекеев хабарлады. «Кассациялық шағымды қазір ғана алуға мүмкіндігіміз туды. Ал сот ертеңге тағайындалған екен», — дейді адвокат. Атап айтқанда күдікті Тоқтаубаев Азамат пен Қалиахмет Дидар ақтауды сұраған. Айта кетейік, Азамат Тоқтаубаев 15 жылға, Қалиахмет Дидар 7 жылға сотталған болатын.

Алматыдағы Kaisar Plaza бизнес орталығы электрон сауда арқылы сатылымға шығарылды, алайда сатып алушы табылмады, деп хабарлайды Tarazy.kz. 7 сәуірде нысан аукционда 61,5 миллиард теңгеге бағаланды. Бұл сомаға ғимараттың өзін және жер телімін жалға алу құқығы кіреді. Сауда бағаны көтеру тәсілімен өтеді деп жоспарланған. Сатылым туралы хабарландыруды 2 миллионға жуық адам қарағанымен, нақты сатып алушы табылмаған. Порталдағы мәліметте аукцион басталған сәтте сауда залына тіркелген қатысушылар болмағаны жазылған. Бизнес орталық Қайтарылған активтерді басқару компаниясының қарамағында. Нысанды бұған дейін мемлекетке Қайрат Сатыбалды тапсырған. Тергеу барысында ғимарат заңсыз жолмен алынғаны анықталып, 2023 жылы Қаржы министрлігінің балансына берілген. Kaisar Plaza — тоғыз қабатты кешен, панорамалық қабаты мен автотұрағы…

Перизат Қайрат ісі аясында тәркіленген құны 79 млн теңгеден асатын Lexus LX600 автокөлігі Қаржылық мониторинг агенттігінің балансына берілді, деп хабарлайды Tarazy.kz Қара түсті көлік бұған дейін айыпталушының анасының ағасының атына рәсімделген. Тергеу дерегінше, олар қайырымдылық ретінде жиналған қаражатты жымқыру және жылыстату ісі бойынша сотталған. Енді автокөлік мемлекеттік органның қызметтік қажеттіліктері үшін пайдаланылатын болады. Ал басқа тәркіленген активтердің тағдыры әзірге шешілген жоқ.

Алматыда отандық технологиялар негізінде өндіріс қалдықтарынан құрғақ құрылыс қоспаларын шығаратын жаңа зауыт іске қосылды. Satbayev University ғалымдарының атсалысуымен ашылған зауыттың салтанатты іс-шарасына ҚР Ғылым және жоғары білім министрі Саясат Нұрбек қатысты, деп хабарлайды Tarazy.kz Жоба Satbayev University ғалымдарының қатысуымен және бірқатар қазақстандық жоғары оқу орындары мен ғылыми ұйымдардың бірлесуі арқылы жүзеге асырылған. Ғылыми топ зерттеу жұмыстарын толық цикл бойынша жүргізген – рецептура әзірлеуден бастап, шикізатты іріктеу, технологиялық процестерді баптау және өндірісті іске қосуға дейін. Жобаның басты ерекшелігі – жергілікті минералды шикізат пен қайта өңделген өндірістік қалдықтарды пайдалану. Бұл тәсіл экологиялық жүктемені азайтып қана қоймай, өндірістің экономикалық тиімділігін арттыруға мүмкіндік береді.…

2026 жылғы 4–5 сәуір күндері Анталья қаласында Дүниежүзілік этноспорт одағының арнайы жаһандық басқосуы – Ethnosport 2027 форумы өтті, деп хабарлайды Tarazy.kz Аталған жиын барысында ұлттық спорт түрлерін біріктіріп, жаңа деңгейде халықаралық жарыстар ұйымдастыру жөнінде маңызды шешімдер қабылданды. Форумның ашылу рәсімінде Түркия парламентінің төрағасы және Дүниежүзілік этноспорт одағының басшысы Біләл Ердоған сөз сөйледі. Форум аясында Қазақстан Республикасының Туризм және спорт министрі Ербол Мырзабасынов ұлттық спорт түрлерін дамыту бағытында атқарылып жатқан жұмыстар жайлы баяндап, бірқатар нақты ұсыныстарды күн тәртібіне шығарды. Сонымен қатар, форум бағдарламасы мен қағидаларына қатысты пікір алмасулар болды. Бұл маңызды іс-шараға Дүниежүзілік тоғызқұмалақ спорты федерациясының президенті Әлихан Байменов, бас хатшы…

І. Жансүгіров атындағы Жетісу университеті базасындағы Марке политехникалық университетінің филиалында Ғылым декадасы аясында ашық есік күні өтті. Шараға Жетісу облысы білім басқармасының өкілдері, Назарбаев зияткерлік мектебінің, №20 және М. Арын атындағы №24 мамандандырылған лицейінің оқушылары қатысты. Ғылым декадасының ашылуында Басқарма Төрағасы – Ректор Ермек Бөрібаев сөз сөйлеп, апталық аясында атқарылатын шаралардың маңызына тоқталды.  «Ғылым декадасы – бұл жаңа мүмкіндіктердің бастауы. Бұл — білім мен ғылымның тоғысқан, жаңа идеялар мен тың бастамалардың өмірге келетін алаңы. Ғылым апталығы аясында өтетін кездесулер, конференциялар, байқаулар мен семинарлар сіздердің ғылыми әлеуеттеріңізді арттырып, жаңа жетістіктерге жетелейді деп сенемін» — деді ректор. Марке политехникалық университеті Ауыл шаруашылығы,…

Алматы көшелерінде жолдағы ереже бұзуды анықтайтын жасырын патрульдер пайда болды, деп хабарлайды Tarazy.kz. Бұл — патрульдік полиция қызметкерлерінің азаматтық киімде, арнайы белгілері жоқ көліктермен жалпы көліктермен бірге қозғалып, қызмет атқаруын білдіреді. Негізгі мақсат — жол қозғалысы ережелерін өрескел бұзу деректерін анықтау. Олардың қатарында күрт жолақ ауыстыру, «шахмат» тәсілімен жүру, басқа көліктерді қысып өту және жол апаты жағдайын туындату секілді қауіпті әрекеттер бар. «Жасырын патрульдер ақпаратты нақты уақыт режимінде жақын маңдағы патрульдік полиция экипаждарына жолдайды. Кейін сол экипаждар көлікті тоқтатып, жүргізушіні заңнамада белгіленген тәртіппен жауапкершілікке тартады. Бұл тәжірибе өзінің тиімділігін көрсетті. Өткен демалыс күндерінің өзінде Алматы қаласында 28 дерек анықталды. Барлық…

Маңғыстау облысында «Үстірт» шекара бөлімшесінің 26 жастағы бастығы қызметіне салғырт қарағаны үшін 2 жылға бас бостандығынан айырылды. Оның әрекетсіздігі салдарынан мерзімді әскери қызметші қаза тапқан, деп хабарлайды Tarazy.kz Қайғылы оқиға 2025 жылдың қазан айында болған. Еркебұлан Сағындықовқа дизель генераторының радиаторын жуу үшін бензин әкелу тапсырылған. Сарбаз қойма аумағындағы цистернаға көтеріліп, резервуардың қақпағын ашып, канистрге жанармай құя бастаған. Сол сәтте ол ашық цистернаға еңкейіп, бензин буларын жұтып қойған. Соның салдарынан есінен танып, шамамен 20 минут бойы цистерна үстінде қозғалыссыз жатқан. Оны басқа сарбаздар байқап, алғашқы көмек көрсетуге тырысқанымен, сарбаздың өмірін сақтап қалу мүмкін болмаған. Аталған іс ҚР Қылмыстық кодексінің 453-бабы 2-бөлігі…

Шығыс Қазақстан облысының прокуратурасы облыс әкімінің орынбасары Жақсылық Омарға қатысты сот үкіміне түсінік берді, деп хабарлайды Tarazy.kz Ведомство дерегіне сәйкес оның әрекеті сыбайлас жемқорлық санатына жатады. Іс қысқартылған тәртіппен қаралғанын ескерген айыптау тарапы заңдағы ең қатаң жазаны сұраған. Прокуратура өкілі қолданыстағы қылмыстық заңнамаға сай сыбайлас жемқорлық үшін сотталғандарға рақымшылық пен шартты түрде мерзімінен бұрын босату қолданылмайтынын айтты. Сот үкімі әлі заңды күшіне енген жоқ. Айта кетейік, Жақсылық Омарға ірі көлемде алаяқтық жасады және пара алды деген айып тағылған. 3 сәуірде сот шешімі жарияланып, ол кінәлі деп танылды. Оның мүлкі тәркіленіп, алты жылға бас бостандығынан айыру жазасы белгіленді.

Атырауда мектеп жанында жеті жастағы қызды көлік қағып кетті. Оқушы оқиға орнында көз жұмды, деп хабарлайды Tarazy.kz. 6 сәуірде сағат 07:45 шамасында жаяу жүргіншіні көлік қаққан. Алдын ала мәлімет бойынша 1974 жылы туған жүргізуші тізгіндеген Toyota Hiace көлігі жаяу жүргіншілер жолағымен өтіп бара жатқан 2018 жылы туған оқушыны қағып кеткен. «Бала оқиға орнында көз жұмды», — деп жазылған хабарламада. Бұл дерек бойынша қылмыстық іс тіркеліп, тергеу жүргізіліп жатыр. Полиция жүргізушілерді жол қозғалысы ережелерін қатаң сақтауға, әсіресе, жаяу жүргіншілер өткелінде жылдамдықты төмендетіп, мұқият болуға шақырды.