Автор: admin

Қазақстанда табысы мен шығыны арасында сәйкессіздік анықталған азаматтарға 10 пайыз көлемінде салық енгізу тетігі қарастырылып жатыр, деп хабарлайды Tarazy.kz Мемлекеттік кірістер комитетінің басқарма сарапшысы Ұлдана Сүлейменнің айтуынша, егер азамат шығыны табысынан неге артық екенін дәлелдей алмаса, айырма сомасына 10% мөлшерінде салық есептеледі. Мысалы, ресми табысы 300 мың теңге, ал шығыны 500 мың теңге болған жағдайда, 200 мың теңге айырмаға 20 мың теңге салық салынуы мүмкін. Оның сөзінше, егер салық төлеуші хабарламада көрсетілген бұзушылықтармен келіссе, онда ол немесе салық агенті анықталған бұзушылықтар тиесілі кезең бойынша есептілікті ұсынып, тиісті салықтар мен бюджетке төленетін төлемдерді жүргізеді. Салық сарапшысы Айдар Масатбаев бұл тетік қарапайым…

Қазақстандық жас футболшы Кәрім Меңдіқанов Испанияның әйгілі «Барселона» клубымен келісімшартқа отырды. Бұл туралы испандық Mundo Deportivo басылымы мәлімдеді, деп хабарлайды Tarazy.kz 15 жастағы ойыншы клуб құрамына келесі маусымда қосылады. Осылайша, ол «Барселона» сапында ойын көрсететін алғашқы қазақстандық футболшы атануы мүмкін. Кәрім 2022 жылы Испанияға көшіп, алғашында «Серданьола» клубында ойнады. Ал биылғы маусымда «Сант-Кугат» командасында негізгі құрамнан орын алып, оң қапталдағы ойынымен ерекшеленді. Мамандар оны жылдам әрі техникалық деңгейі жоғары футболшы ретінде бағалап отыр. Жас ойыншыға Ла Лигадағы өзге клубтар да қызығушылық танытқанымен, ол «Барселонаны» таңдаған. Енді қазақстандық футболшы алдағы маусымда жаңа командасында өнер көрсетіп, кәсіби мансабын жаңа деңгейге көтеруді жоспарлап…

Белгілі журналист әрі медиаменеджер Дәнеш Байболатов «Жетісу» телеарнасының директоры қызметіне тағайындалды, деп хабарлайды Tarazy.kz Дәнеш Байболатов – отандық журналистика саласында ұзақ жылдық тәжірибесі бар маман. Әл-Фараби атындағы Қазақ ұлттық университеті журналистика факультетінің түлегі. 2002 жылы «Телевизиялық журналистика» мамандығы бойынша, кейін осы оқу орнында магистратураны бітірген. Бұған дейін ол түрлі медиажобалар мен телеарналарда, баспасөз қызметі саласында жұмыс атқарды. Еңбек жолын «Gala TV» продюсерлік орталығы «Хабар Жер», «Дела  армейские» бағдарламаларында журналист, редактор ретінде бастап, әр жылдары  «Прогресс-PR» агенттігінде PR-маман, «Азаттық» халықаралық радиосында репортер, «Жас Толқын» жастар  бағдарламасының авторы,  редакторы, жүргізушісі, Абай атындағы ҚазҰПУ-дың халықаралық  қатынастар факультетінде оқытушы болды. Кейін «Хабар» арнасындағы «Серпін»…

Атыраудағы мұнай өңдеу зауытында ауқымды экологиялық талаптардың бұзылғаны белгілі болды. Тексеру қорытындысы бойынша кәсіпорынға жүздеген миллион теңге көлемінде айыппұл салынды, деп хабарлайды Tarazy.kz Экология департаменті жүргізген жоспардан тыс тексеру барысында булану алаңдарынан диаметрі 500 мм болатын жасырын құбыр анықталған. Мамандардың айтуынша, осы құбыр арқылы өндірістік ағын сулар заңсыз түрде ашық топыраққа төгілген. Нәтижесінде екі учаскеде төгілген қалдық су көлемі 44 мың текше метрден асқан. Ластанған аумақтың жалпы көлемі шамамен 3 гектарды құрайды. Бұдан бөлек, тексеріс кезінде атмосфералық ауаны қорғау талаптарының да өрескел бұзылғаны анықталды. Кәсіпорынның бірқатар стационарлық көздерінде отын жағу кезінде рұқсат етілген шығарындылар бойынша есептер мен нормативтердің жоқ екені…

Ақмолалық тұрғын 24 жыл бұрын жасалған қылмысы үшін сотталды, деп хабарлайды Tarazy.kz Ақмола облысының қылмыстық істер жөніндегі мамандандырылған ауданаралық сотында 61 жастағы И.-ға қатысты әйелді зорлау (күш қолдану, өлтіремін деп қорқыту арқылы) және аса қатыгездікпен адам өлтіргені үшін қылмыстық іс қаралды (1997 жылғы редакциядағы ҚК-нің 120-бабы 2-бөлігінің «б»-тармағы, 96-бабы 2-бөлігінің «к»-тармағы). 2002 жылы Ақкөл қаласында түнгі уақытта 37 жастағы И. масаң күйде автокөліктерді тоқтатып, үйіне жетпек болған 29 жастағы А.-ны кездестірген. Оны ұрып-соғып, өлтіремін деп қорқытып, жергілікті стадион аумағына алып барған. Жәбірленушінің денесіне соққы жасап, темекімен күйік салу арқылы И. оны зорлаған, кейін жасаған қылмысын жасыру және жазадан жалтару мақсатында…

Ерболат Досаев «Самұрық-Қазына» АҚ директорлар кеңесінің құрамынан шығарылды. Бұл туралы қордың баспасөз қызметі мәлімдеді, деп хабарлайды Tarazy.kz Қор өкілдерінің түсіндіруінше, бұл өзгеріс оның қызметтік лауазымының ауысуына байланысты болған. Қолданыстағы ережеге сәйкес, директорлар кеңесінің құрамына Президент Әкімшілігі басшысының орынбасары кіреді. Алайда 25 наурызда Мемлекет басшысының жарлығымен Ерболат Досаев аталған қызметтен босатылған. Осыған байланысты оның «Самұрық-Қазынадағы» өкілеттігі де автоматты түрде тоқтатылды. Еске салайық, Ерболат Досаев Президент Әкімшілігі басшысының орынбасары қызметін шамамен алты ай атқарған еді.

2026 жылғы 1 наурыздағы жағдай бойынша Бірыңғай жинақтаушы зейнетақы қорындағы (БЖЗҚ) зейнетақы активтерінің жалпы көлемі 26,8 трлн теңгеге жетті, деп хабарлайды Tarazy.kz Бұл қаражаттың негізгі бөлігі Ұлттық банктің басқаруында, нақтырақ айтқанда 25,8 трлн теңге сенімгерлік басқаруға берілген. Сонымен қатар 877 млрд теңге жұмыс берушілердің міндетті зейнетақы жарналары ретінде жинақталған. Ұлттық банк басқаратын активтердің кейінгі 12 айдағы табысы 11,39% болған. Қор қаражаты әртүрлі қаржы құралдарына инвестицияланған. Соның ішінде ең үлкен үлес Қаржы министрлігінің мемлекеттік бағалы қағаздарына тиесілі. Бұдан бөлек, квазимемлекеттік компаниялардың облигациялары да портфельде маңызды орын алады. Активтердің едәуір бөлігі индекстік басқару арқылы орналастырылған. Валюталық құрылымына келсек, зейнетақы жинақтарының басым бөлігі…

Air Astana әуе компаниясының бас директоры ауысты, деп хабарлайды Tarazy.kz Компанияны ұзақ жыл басқарған Питер Фостер қызметінен кетті. 1 сәуірден бастап оның орнына Ибрахим Жанлыел тағайындалды. Басшылық ауысатыны туралы өткен жылы-ақ хабарланғанымен, шешім енді ғана ресми түрде күшіне енді. Компания мәліметінше, жаңа CEO негізгі назарды операциялық тиімділікті арттыруға және тұрақты өсімді қамтамасыз етуге бағыттайды. Ибрахим Жанлыел бұл тағайындауға дейін 2017 жылдан бері қаржы директоры қызметін атқарған. Жалпы алғанда, ол 14 жылдан астам уақыт бойы компанияның даму стратегиясын айқындаған басқарушы команда құрамында болды.

әл-Фараби даңғылындағы жол апаты туралы видео жариялаған танымал блогер Әділетхан Молдахан 10 тәулікке қамалды. Бұл туралы Алматы қалалық Полиция департаменті мәлімдеді, деп хабарлайды Tarazy.kz Ведомство мәліметінше, Алматы қаласы Полиция департаменті көрінеу жалған ақпарат тарату фактісі бойынша сотқа дейінгі тергеп-тексеру жүргізіп жатыр. «Соттың қаулысымен бұрын тонау қылмысын жасаған күдіктіге қатысты 10 тәулік мерзімге қамауда ұстау түріндегі бұлтартпау шарасы санкцияланды. Қазақстан Республикасы Қылмыстық-процестік кодексінің 201-бабына сәйкес тергеу мүддесіне орай өзге ақпарат жария етілмейді», — деді Алматы қаласы Полиция департаментінің баспасөз қызметі өкілі. Еске салайық, бұған дейін Алматыда заңгер Әділетхан Молдахан қамауға алынғаны хабарланды.

Қырғызстанда жемқорлық ісі аясында бұрынғы парламент депутаты Шаирбек Ташиев ұсталды. Ол ақпанда қызметінен кеткен Ұлттық қауіпсіздік мемлекеттік комитетінің төрағасы Камчыбек Ташиевтің туған ағасы. Бұл туралы Қырғызстанның Ішкі істер министрлігі хабарлады, деп хабарлайды Tarazy.kz Ведомство мәліметінше, ұсталу «Қырғызмұнайгаз» кәсіпорнындағы қаржы жымқыру дерегі бойынша қозғалған қылмыстық іс шеңберінде жүзеге асқан. Тергеуді бастауға Министрлер кабинеті жанындағы Мемлекеттік салық қызметінің материалдары, сондай-ақ аудиторлық тексеріс қорытындылары негіз болған. ІІМ өкілдері тергеу амалдары жалғасып жатқанын, әзірге егжей-тегжейлі ақпарат жарияланбайтынын мәлімдеді. Бұған дейін «Қырғызмұнайгаздағы» заңбұзушылықтар ісі бойынша бірнеше адам, оның ішінде Ташиевтердің жиені Байғазы Матисақов та ұсталған. Ол аталған кәсіпорынмен байланысты компанияны басқарған. Шаирбек Ташиев Жогорку Кенештің…