Автор: admin
Алматыда өткен «Қазіргі заманғы қазақ романы» байқауында жазушы Жүсіпбек Қорғасбек бас жүлдені жеңіп алды, деп хабарлайды Tarazy.kz Жеңімпазға 15 миллион теңге көлемінде сыйақы табысталды. Бас жүлде жазушының «Кельндегi көкжал» романына берілген. Шығармада үш ұрпақтың тағдыры, сондай-ақ шетелге сатылған қазақ баласының өмір жолы көркем түрде суреттеледі. Романда тәуелсіздіктің алғашқы жылдарындағы қоғамдағы өзекті мәселелердің бірі – бала саудасы тақырыбы қозғалған. Айта кетейік, байқау аясында жарық көрген кітап демеушілердің қолдауымен басылып шыққан.
Қазақстанда ең төменгі күнкөріс деңгейі өсіп, халықтың базалық өмір сүру шығындарын көрсететін көрсеткіш артты. Ұлттық статистика бюросының мәліметінше, 2026 жылдың бірінші тоқсанында ол 64 155 теңге болды, деп хабарлайды Tarazy.kz Өткен жылдың сәйкес кезеңімен салыстырғанда көрсеткіш бірден 22,2%-ға артқан. Сонымен қатар, сома халық санатына қарай өзгереді. 18 жастан асқан ер адамдар үшін күнкөріс деңгейі 76 382 теңгеге жетсе, әйелдер үшін – 60 649 теңге. Зейнеткерлер мен егде жастағы адамдарға айына шамамен 60 208 теңге қажет, ал 14 жасқа дейінгі балалар үшін бұл көрсеткіш 50 885 теңгені құрайды. Ең жоғары көрсеткіш жасөспірімдер арасында тіркелген: 14–17 жастағы ұлдарға орта есеппен 81 304…
«AI Sana» мемлекеттік бағдарламасы аясында және елдегі цифрлық трансформацияны қолдау мақсатында І. Жансүгіров атындағы Жетісу университетінде «AI Sana – Digital Kazakhstan: Projects of the Future» атты республикалық студенттік жобалар конкурсы өтті, деп хабарлайды Tarazy.kz Студенттердің цифрлық инновациялық әлеуетін дамытуға бағытталған республикалық конкурс елімізде алғаш рет ұйымдастырылып отыр. Конкурстың іріктеу кезеңінен еліміздің жетекші жоғары оқу орындарының 14 командасы финалға өтті. Олардың қатарында Л.Н. Гумилев атындағы ЕҰУ, Әл-Фараби атындағы ҚазҰУ, Satbayev University, Yessenov University және басқа да оқу орындарының командалары бар. Конкурстың ашылу салтанатында І. Жансүгіров атындағы Жетісу университетінің Басқарма төрағасы – Ректор Ермек Бөрібаев студенттердің цифрлық технологиялар мен ЖИ саласындағы бастамалары…
Биыл Алматы облысында 1100 шақырымға жуық жолды диагностикадан өткізу жоспарланып отыр. Оның ішінде 477,5 км жол Алматы облысында, ал 606,2 км жол Жетісу облысында орналасқан. Диагностикалық жұмыстар жолдарды күтіп ұстаудағы учаскелерде де, кепілдік мерзіміндегі учаскелерде де жүргізіледі. Осылайша, күтіп ұсталатын жолдардың 358 км бөлігінде және ұзындығы 725,7 км болатын кепілдік учаскелерде диагностика жасалмақ, деп хабарлайды Tarazy.kz Бұл туралы «Жол активтері сапасының ұлттық орталығы» РМК Алматы облыстық филиалы хабарлады. Сөйтіп, алынған деректер мен елді мекендердің көше-жол желісін диагностикалау жұмыстарының нәтижесі «E-Joldar» автомобиль жолдарын басқарудың бірыңғай цифрлық платформасына енгізілетін болады. Мұны ҚР Президентінің цифрландыру мен жаңа технологияларды енгізуге бағытталған саясатына сәйкес Көлік…
Өскеменде бұрынғы қала әкімі, Шығыс Қазақстан облысы әкімінің экс-орынбасары Жақсылық Омарға қатысты соттың екінші отырысы өтті, деп хабарлайдыTarazy.kz YK News басылымына сілтеме жасап. Сотта ол алаяқтық жасады және пара алды деген айыптар бойынша жауап беруде. Мемлекеттік айыптаушы соттан жаза тағайындау кезінде жеңілдететін жайттарды ескеруді сұрады. Атап айтқанда, айыпталушы бұрын қылмыстық жауапкершілікке тартылмаған және жеті баланың әкесі. Ал ауырлататын мән-жай ретінде мемлекеттік қызметкер антын бұзғаны аталды. Прокурор Жақсылық Омарды 6 жылға бас бостандығынан айырып, мемлекеттік қызметте, жергілікті өзін-өзі басқару органдарында және квазимемлекеттік секторда жұмыс істеу құқығынан айыруды ұсынды. Ал жәбірленуші, керісінше, соттан оны бас бостандығынан айырмауды сұрады. Тергеу деректеріне сәйкес, іс…
Ресейдің Ленинград облысындағы Усть-Луга кентінде болған жаппай төбелеске Қазақстан азаматтарының да қатысы бары ресми түрде расталды. Әлеуметтік желіде “қазақтарға шабуыл жасалды” деген ақпарат кең тарағанымен, құзырлы органдар жанжалды ұлтаралық қақтығыс емес, жұмысшылар мен күзет қызметкерлері арасындағы тұрмыстық жанжал ретінде бағалады. Оқиға қалай өрбіді, қанша адам ұсталды және жағдай немен аяқталды? Dalanews.kz редакциясы мән-жайды жан-жақты саралап, саясаттанушы Асылбек Ізбайыровтың пікірін жазыпты. Оқиға қалай басталды? 26 наурыз күні Усть-Лугадағы вахталық қалашықта жұмысшылар мен күзет қызметкерлері арасында жанжал туындаған. Бұл нысанда түрлі елден келген жұмысшылар еңбек етеді, оның ішінде Қазақстан азаматтары да бар. Әлеуметтік желіде тараған видеоларда бірнеше адамның жиналып, қақтығыс болғаны көрінеді. Кейбір…
2026 жылғы 27 наурызда Ғылым ордасында «Қазақстанның жазба мұрасын сақтау және қалпына келтіру: заманауи тәсілдер мен ғылыми тәжірибе» атты республикалық ғылыми-практикалық семинар аясында еліміздің тарихи жәдігерлерін сақтау ісін жаңа деңгейге көтеруге арналған бірегей шеберлік сабақтары өткізілді, деп хабарлайды Tarazy.kz Іс-шараның басты мақсаты — тарихи құнды жәдігерлерді сақтау және қалпына келтіру саласындағы мамандардың кәсіби біліктілігін арттыру, тәжірибе алмасу және реставрация бағытындағы озық технологияларды таныстыру болды. Семинардың екінші күні ұйымдастырылған шеберлік сабақтарына Қазақстанның түкпір-түкпірінен 40-тан астам маман — реставраторлар, кітапханашылар, архив және музей қызметкерлері қатысты. Іс-шарада «Ғылым ордасы» Реставрация және консервация орталығының мамандары Сұлтанмұрат Амирдин «Шығыстық балық қабыршағы капталын тігу»; Амина Бақберген…
Әлемдік энергетика нарығында күрделі жағдай қалыптасып отыр. Ормуз бұғазы маңындағы ахуалға байланысты мұнай дағдарысы бір айға жуық уақыттан бері жалғасуда, деп хабарлайды Tarazy.kz Bloomberg мәліметінше, мұнай бағасы күрт өсіп, әлемдік экономикалық өсім болжамдары төмендеп жатыр. Әсіресе Азия елдерінде – Тайландтан Пәкістанға дейін – жанармай тапшылығы байқала бастады. Энергетика саласының өкілдері бұл дағдарыстың әлі бастапқы кезеңінде екенін ескертуде. Сарапшылардың айтуынша, егер Ормуз бұғазы жабық күйінде қалса, әлем елдері мұнай мен газ тұтынуын айтарлықтай қысқартуға мәжбүр болады. Алайда бұл үдеріс бағаның шарықтауынан кейін ғана іске асуы мүмкін. АҚШ үкіметі мен Уолл-стрит сарапшылары мұнай бағасы бір баррель үшін 200 долларға дейін жетуі ықтимал екенін жоққа шығармай…
Түркістанда бейнебақылау камераларын әдейі бүлдірген екі күдікті ұсталды, деп хабарлайды Tarazy.kz Қылмыс бейнебақылау жүйелерінің көмегімен ашылған. Оқиға қала көшелерінің бірінде тіркелген. Белгісіз екі адам 4 камераны қасақана сындырған. Салдарынан 700 мың теңгеден аса материалдық шығын келген. Тергеу барысында оқиға түнгі сағат 01:00 шамасында болғаны анықталды. Беттерін маскамен жасырған екі жігіт ұзын ағашпен камераларды істен шығарған. Полицейлер қылмысты ашу кезінде жақын маңдағы бейнебақылау жүйелерінің жазбаларын мұқият зерделеген. Нәтижесінде күдіктілердің қозғалыс бағыты анықталып, жедел іздестіру шаралары арқылы қолға түсті. «Бұл оқиғаға қатысты бөтеннің мүлкін қасақана жою немесе бүлдіру дерегі бойынша қылмыстық іс қозғалып, сотқа дейінгі тергеу жүргізіліп жатыр. Алдын ала мәліметке сәйкес…
Алматы қаласында ер адамның жедел жәрдем қызметкерлеріне пышақпен шабуыл жасағаны видеоға түсіп, әлеуметтік желілерде тарады, деп хабарлайды Tarazy.kz Оқиға кезінде медицина қызметкерлері шақырту бойынша науқастың үйіне барған. Алайда оларды мас күйдегі ер адам қарсы алып, агрессивті әрекет танытып, пышақпен қорқыта бастаған. Мәліметтерге сәйкес, ол дәрігерлерді пәтерде қамап ұстап, кейін олар сыртқа шыққан кезде қуып, пышақпен қоқан-лоқы көрсеткен. Дәрігерлер қауіпсіздік үшін жедел жәрдем көлігіне кіріп, полиция шақыруға мәжбүр болған. Полицияның хабарлауынша, күдікті науқастың ұлы болып шықты. Ол оқиға орнында мас күйінде болып, айналасындағыларға қауіп төндірген. Аталған дерек бойынша Қылмыстық кодекстің 380-3-бабы – медицина қызметкерлеріне қатысты қорқыту немесе зорлық-зомбылық көрсету фактісімен қылмыстық іс қозғалды. Істе…
