FlyArystan ұшағы ұшу жолағына шыққан итті қағып кеткен, деп хабарлайды Tarazy.kz.
Бұл ақпаратты әуекомпаниясы растады.
Оқиға 15 сәуірде Алматы – Шымкент бағыты бойынша FS7105 рейсі болған. Ұшақ қонғаннан кейін Шымкент қаласы әуежайының ұшу-қону жолағында әуе кемесінің жануармен (итпен) соқтығысқан.
Соқтығыс салдарынан әуе кемесінің компоненттері зақымданды. Қазіргі уақытта ауыстыруды қажет ететін барлық компонент Алматы қаласынан жеткізіледі.
«Ұшу қауіпсіздігі – әуекомпания үшін басты басымдық. Аталған оқиға бойынша тексеру жүргізіліп жатыр», — дейді компания өкілдері.
