Respublica партиясынан сайланған Мәжіліс депутаты Олжас Құспеков Алматы қаласындағы “Қарасай” шекара басқармасына барды.
Мәжілісмен Respublica партиясы Алматы филиалының төрағасы Сұңғат Райымбек, қалалық мәслихаттың депутаттары Әкім Тұрсын және Салтанат Серіковамен бірге арнайы мақсаттағы мобильді іс-қимыл бөлімінің жұмысымен танысып, оқу орталығы мен оқу-өндірістік зертханада болды, басшылықпен әскери қызметшілерді даярлау, «Қарасай» ШБ инженерлік-желілік инфрақұрылымының қызметі мәселелерін талқылады. Кездесу барысында шекара учаскесінің қазандықты реконструкциялау, сумен жабдықтау және кәріз мәселелерін шешу жолдары талқыланды.
Сондай-ақ мерзімді қызмет әскери қызметшілерінің азаматтық өмірге оралғаннан кейін пайдалана алатын мамандықтарды алу мүмкіндігі туралы мәселе көтерілді.
«Мемлекет шекарада қауіпсіздікті қамтамасыз етуі үшін жасанды интеллектті қолдана отырып, техниканың соңғы жетістіктерін – сапалы жабдықтарды, арнайы датчиктерді пайдалану мәселелерін шешуі тиіс. Әрине, тұрмыстық мәселелерді де шешу қажет. Шекарада сапалы және қауіпсіз қызмет атқару үшін барлық жағдайлар жасалынуы керек«, — деді Құспеков.