Шымкентте журналист әрі блогер Арай Есенбекке қатысты сот үкімі шықты. Істі қараған судья оны бопсалау ісі бойынша айыпты деп, 5 жылға бас бостандығынан айырды, деп хабарлайды Tarazy.kz
Сот мәліметінше, ол Қылмыстық кодекстің 194-бабы 3-бөлігі бойынша кінәлі деп танылған.
Іс материалдарына сәйкес, блогер өткен жылы таныс шенеуніктен 10 млн теңге талап еткен. Ол ақшаны бермеген жағдайда өз медиаресурстарында жағымсыз материалдар жариялайтынын айтып қорқытқан.
Кейін мемлекеттік қызметкер құқық қорғау органдарына жүгінген. Ақша беру кезінде Есенбек ұсталған.
Сот оны бопсалау жасағаны үшін кінәлі деп танып, 5 жылға бас бостандығынан айыру жазасын тағайындады.
Арай Есенбек — оңтүстік өңірде танымал журналист, БАҚ саласында ықпалды адам болды. 2020 жылы Шымкент қаласы әкімінің баспасөз хатшысы қызметін атқарған. Кейіннен 0алалық AMANAT партиясында жұмыс істеген.
Үкім заңды күшіне енген жоқ.
