Автор: admin
Маңғыстау облысында «Үстірт» шекара бөлімшесінің 26 жастағы бастығы қызметіне салғырт қарағаны үшін 2 жылға бас бостандығынан айырылды. Оның әрекетсіздігі салдарынан мерзімді әскери қызметші қаза тапқан, деп хабарлайды Tarazy.kz Қайғылы оқиға 2025 жылдың қазан айында болған. Еркебұлан Сағындықовқа дизель генераторының радиаторын жуу үшін бензин әкелу тапсырылған. Сарбаз қойма аумағындағы цистернаға көтеріліп, резервуардың қақпағын ашып, канистрге жанармай құя бастаған. Сол сәтте ол ашық цистернаға еңкейіп, бензин буларын жұтып қойған. Соның салдарынан есінен танып, шамамен 20 минут бойы цистерна үстінде қозғалыссыз жатқан. Оны басқа сарбаздар байқап, алғашқы көмек көрсетуге тырысқанымен, сарбаздың өмірін сақтап қалу мүмкін болмаған. Аталған іс ҚР Қылмыстық кодексінің 453-бабы 2-бөлігі…
Шығыс Қазақстан облысының прокуратурасы облыс әкімінің орынбасары Жақсылық Омарға қатысты сот үкіміне түсінік берді, деп хабарлайды Tarazy.kz Ведомство дерегіне сәйкес оның әрекеті сыбайлас жемқорлық санатына жатады. Іс қысқартылған тәртіппен қаралғанын ескерген айыптау тарапы заңдағы ең қатаң жазаны сұраған. Прокуратура өкілі қолданыстағы қылмыстық заңнамаға сай сыбайлас жемқорлық үшін сотталғандарға рақымшылық пен шартты түрде мерзімінен бұрын босату қолданылмайтынын айтты. Сот үкімі әлі заңды күшіне енген жоқ. Айта кетейік, Жақсылық Омарға ірі көлемде алаяқтық жасады және пара алды деген айып тағылған. 3 сәуірде сот шешімі жарияланып, ол кінәлі деп танылды. Оның мүлкі тәркіленіп, алты жылға бас бостандығынан айыру жазасы белгіленді.
Атырауда мектеп жанында жеті жастағы қызды көлік қағып кетті. Оқушы оқиға орнында көз жұмды, деп хабарлайды Tarazy.kz. 6 сәуірде сағат 07:45 шамасында жаяу жүргіншіні көлік қаққан. Алдын ала мәлімет бойынша 1974 жылы туған жүргізуші тізгіндеген Toyota Hiace көлігі жаяу жүргіншілер жолағымен өтіп бара жатқан 2018 жылы туған оқушыны қағып кеткен. «Бала оқиға орнында көз жұмды», — деп жазылған хабарламада. Бұл дерек бойынша қылмыстық іс тіркеліп, тергеу жүргізіліп жатыр. Полиция жүргізушілерді жол қозғалысы ережелерін қатаң сақтауға, әсіресе, жаяу жүргіншілер өткелінде жылдамдықты төмендетіп, мұқият болуға шақырды.
OPEC+ елдері мұнай өндіру көлемін ұлғайту туралы келісімге келді. Тиісті шешім 5 сәуір күні қабылданды, деп хабарлайды Tarazy.kz Жаңа келісім 2026 жылдың мамыр айынан бастап күшіне енеді. Құжатқа сәйкес, альянсқа кіретін сегіз ел тәулігіне қосымша 206 мың баррельге дейін мұнай өндіре алады. Бұған дейін енгізілген тәулігіне 1,65 млн баррель көлеміндегі шектеулер нарықтағы жағдайға байланысты кезең-кезеңімен алынуы мүмкін. Бұл шешім Қазақстан үшін мұнай өндіруді рекордтық деңгейге, тәулігіне 1,5 млн баррельге дейін жеткізуге мүмкіндік береді. ОПЕК+ өкілдері шектеулер «нарықтағы жағдайға байланысты толық немесе ішінара алынуы мүмкін» екенін атап өтті.
Халықаралық саясаттағы маңызды интригалардың бірі – БҰҰ-ның келесі Бас хатшысы кім болатыны – біршама айқындала бастады. Ұйым ішінде негізгі кандидаттар белгілі болып, ендігі талқылау олардың жеке салмағы мен аймақтық тепе-теңдікке қаншалықты сәйкес келетінінде өрбіп жатыр. Қазақ қоғамында да қазіргі президент БҰҰ басшылығына кетуі мүмкін деген саяси болжам жиі айтылатын. Үміткерлер тізімінде Қасым-Жомарт Тоқаев есімі аталмады, деп хабарлайды Tarazy.kz Бас хатшылыққа үміткерлер қатарында Чилидің бұрынғы президенті Мишель Бачелет, Аргентинаның тәжірибелі дипломаты әрі қазіргі МАГАТЭ басшысы Рафаэль Гросси, Коста-Риканың экс-вице-президенті және БҰҰ-ның сауда және даму жөніндегі конференциясының жетекшісі Ребека Гринспан, сондай-ақ Сенегалдың бұрынғы президенті Маки Салл бар. Аймақтық принцип: формальды ереже, бейресми…
Қазақстанда 2025 жылдың төртінші тоқсанында медианалық жалақы 339 912 теңге болды, деп хабарлайды Tarazy.kz Бұл туралы Ұлттық статистика бюросының деректеріне жариялады. Орташа айлық атаулы жалақы шағын кәсіпорындарды есепке алмағанда 473 158 теңгеге жеткен. Сонымен қатар, бір жыл ішінде нақты жалақы 3,2%-ға төмендеген. Атаулы өсім 8,8% болғанымен, ол инфляция деңгейін жаба алмаған. Жыл соңындағы атаулы жалақының өсуі дәстүрлі қосымша төлемдермен, жыл қорытындысы бойынша берілетін сыйақылармен және мерекелік бонустармен байланысты. Салалар бойынша ең жоғары өсім ауыл, орман және балық шаруашылығында тіркелген — 25,9%. Сондай-ақ жылжымайтын мүлік операциялары саласында жалақы 14,5%-ға, ал көлік және қоймалау секторында 11,9%-ға артқан.
Өскеменнің экс-әкімі Жақсылық Омарға сот үкімі шықты, деп хабарлайды Tarazy.kz Сот үкімімен Шығыс Қазақстан облысы әкімінің бірінші орынбасары Жақсылық Омар 6 жылға сотталды. Сот оны алаяқтық пен пара алу қылмыстары бойынша кінәлі деп танып, 6 жыл мерзімге бас бостандығынан айыру жазасын тағайындады. Сондай-ақ оның мүлкі (Toyota Camry автокөлігі) тәркіленіп, мемлекеттік қызметте лауазым атқару құқығынан өмір бойына айырылды. Жұма күні өткен сот отырысында Жақсылық Омар өзіне тағылған айыптарды жоққа шығарып, ақша бопсаламағанын мәлімдеді. «Мен ешқандай ақша бопсалаған жоқпын. Соттан қорғаушыларым келтірген уәждерді жеңілдететін мән-жайлар ретінде қарастыруды сұраймын», – деді ол. Сондай-ақ, экс-әкім соттан өзін бас бостандығынан айырмауды өтінген болатын. Еске салайық,…
Биыл Алаш ардақтысы, көрнекті мемлекет және қоғам қайраткері, саяси қуғын-сүргін құрбаны Ұзақбай Құлымбетовтің туғанына 135 жыл толып отыр. Осыған орай Абай университетінде «Алаш ардақтылары және Қазақ мемлекеттілігі идеясы» атты ғылыми-танымдық дөңгелек үстел өтті. Тағылымды басқосу «Ғылым декадасы – 2026» аясында ұйымдастырылып, отандық ғылым өкілдері тарихи тұлғаның елдік мүдде жолындағы қызметін қазіргі көзқарас тұрғысынан зерделеді. Іс-шара барысында Алаш қайраткерлерінің еңбектеріне арналған сирек басылымдар мен архивтік деректер көрмесі қойылды. Жиынды университеттің Зерттеу қызметі және инновациялар жөніндегі проректоры Ертай Сұлтан ашып, тарихи сананы жаңғырту мен ұлт зиялыларының мұрасын ғылыми тұрғыда зерделеудің маңыздылығына тоқталды. Келелі кеңесте академик Мәмбет Қойгелдиев қоғам қайраткерінің саяси ұстанымы мен…
АИ-92 маркалы бензин мен жазғы дизель отынының бөлшек саудадағы бағасы біртіндеп өсуі мүмкін, деп хабарлайды Tarazy.kz Бұл туралы энергетика вице-министрі Ерлан Ақбаров мәлімдеді. Еске салайық, аталған отын түрлерінің бағасын көтеруге мораторий 2025 жылғы 16 қазанда енгізіліп, 2026 жылғы 31 наурызға дейін қолданылды. Вице-министрдің айтуынша, өткен жылғы тәжірибе бағаның күрт қымбаттамайтынын көрсеткен. «Баға бірден шарықтамайды, кезең-кезеңімен өседі деп ойлаймын», – деді ол. Дегенмен, нақты қанша мөлшерде және қай уақыт аралығында қымбаттайтыны әзірге нақтыланбады.
Қазақстанда Мемлекеттік күзет қызметі қызметкерлерінің өкілеттігін кеңейту көзделіп отыр. Ұсынылған заң жобасына сәйкес, белгілі бір жағдайларда қаруды ескертусіз қолдануға рұқсат берілуі мүмкін, деп хабарлайды Tarazy.kz Мәжіліс арнайы мемлекеттік органдардың қызметіне қатысты заңнамалық өзгерістер жобасын бірінші оқылымда қарады. Құжатқа сәйкес, терроризмге қарсы операциялар аймағында қызмет атқаратын мемлекеттік күзет қызметкерлеріне физикалық күш, арнайы құралдар, қару-жарақ, әскери және өзге де техника, сондай-ақ қызметтік жануарларды ескертусіз әрі қолданыстағы шектеулерсіз пайдалану құқығы беріледі. Сонымен қатар қажетті қорғаныс, аса қажеттілік немесе құқық бұзушыларды ұстау кезінде қызметкерлерге арнайы қару немесе жабдық болмаған жағдайда, кез келген қолда бар құралдарды қолдануға рұқсат етіледі. Бұдан бөлек, заң аясында тіркелмеген өзге…
