Автор: admin
Атыраудағы 23 жастағы Яна Легкодимованың өлімі қоғамда үлкен резонанс тудырды. Бұл қылмысты полиция сегіз ай іздестіріп, тыңғылықты жедел-тергеу жұмысының нәтижесінде ашты. Polisia.kz полиция қаскөйлерді қалай құрықтағанын жазды, деп хабарлайды Tarazy.kz «Бірінші адам жоғалу дерегімен іс тіркелді. Хабар түскен бойда оны іздеуге кірістік. Бірқатар жұмыс атқарылды. Адам ұрланғаны жөнінде мәліметтер жинақталған соң істі адам ұрлау дерегі бойынша жүргіздік. Одан соң іс кісі өлтіру дерегіне өзгертілді», — деді Атырау облысы криминалдық полиция басқармасының бөлім бастығы Ерлан Құсайынов. 20 қазанда полицияға қыздың анасынан оның хабар-ошарсыз кеткені жөнінде хабар түскен. Тәртіп сақшылары Янаның түр-сипатына, ерекшеліктеріне қарай сұрау салып, іздестіру жұмыстарын жүргізген. «Оның үйден шыққан сәтінен бастап жүрген…
Орал қаласының тұрғыны әрі мұғалім Айнұр Сабыр Батыс Қазақстан облысының әкімі Нариман Тереғалиұлының әрекетіне байланысты Президентке, Үкіметке және Парламент депутаттарына ашық түрде үндеу жолдады. Оның айтуынша, былтырғы су тасқынынан кейін берілген жаңа үйді облыс басшылығы “заңсыз берілген” деп сот арқылы тартып алмақ, деп хабарлайды Tarazy.kz “Құрметті ҚР Президенті Қасым-Жомарт Кемелұлы Тоқаев! ҚР Премьер-министрі Олжас Бектенов! ҚР Парламентінің Сенат төрағасы Мәулен Әшімбаев! ҚР Парламентінің Мәжіліс төрағасы Ерлан Қошанов! Мәжіліс депутаттары Абзал Құспан, Асхат Аймағамбетов, Нартай Сәрсенғалиұлы, Бақытжан Базарбек мырзалар! Сіздерден көмек сұраймын! Менің аты-жөнім – Айнұр Сабыр. Орал қаласының тұрғынымын. Мұғаліммін. 2024 жылы Орал қаласын су басқан кезде аса ірі көлемде зардап шектім. Орал…
Иманғали Тасмағамбетов Ұжымдық қауіпсіздік туралы шарт ұйымындағы (ҰҚШҰ) Бас хатшы қызметінен кетеді, деп хабарлайды Tarazy.kz Жақын арада ұйымға мүше елдер оның орнын басатын тұлғаны алдағы үш жылға таңдайды. Жаңа Бас хатшы кандидатурасы 27 қарашада Бішкекте қаралады. Сол күні министрлер мен қорғаныс және қауіпсіздік кеңесі хатшыларының бірлескен отырысы өтеді. «Кездесуде қатысушылар есірткі саудасына және заңсыз миграцияға қарсы күрес бойынша ынтымақтастық мәселелерін талқылайды. ҰҚШҰ сессиясында елдердің қауіпсіздік мәселелері бойынша ортақ позицияларын жариялайтын декларация қабылданып, 2026 жылғы Ресей төрағалығы кезінде жүзеге асырылатын басымдықтар айқындалады», – деп хабарлады ұйым. Еске салайық, бұған дейін Тасмағамбетов Украинаға қарсы «агрессияны қолдады» деп айыпталған еді. Оның есімі украиналық…
Алматы қаласында тоғызқұмалақ спортынан мектеп оқушылары арасында әлем чемпионаты аяқталды. Бірнеше күнге созылған әлемдік додада Алматы облысының шеберлері 2 алтын, 4 күміс медаль жеңіп алды, деп хабарлайды Tarazy.kz Ұлттық зияткерлік ойындардың ең көне әрі терең мағыналы түрі – Тоғызқұмалақ биыл тағы да әлемдік деңгейдегі спорт мерекесіне айналды. Биыл 17–23 қараша аралығында Алматы қаласында жасөспірімдер (U-15, U-17) арасындағы тоғызқұмалақтан Әлем чемпионатына дүниежүзінің 21 мемлекетінен ойыншылар келді. Бұл жарыс классика (онлайн және офлайн), рапид және блиц форматтарында ұйымдастырылды. Әлемнің түкпір-түкпірінен жиналған жас спортшылар зияткерлік шеберліктерін сынап, ұлттық ойынды халықаралық деңгейде насихаттайтын мүмкіндік алды. Турнир барысында еліміздің ең үздік төрешілері мен мамандары қызмет…
Алматыда 17–23 қараша аралығында жасөспірімдер (U-15, U-17) арасындағы тоғызқұмалақтан Әлем чемпионаты өтіп жатыр. Шара Алматыдағы «Зенит» спорт орталығында екінші рет ұйымдастырылып, ашылу салтанатына Алматы қаласы әкімдігі, Мәслихат, спорт басқармасы, қоғамдық кеңес, ҚР Тоғызқұмалақ спорты федерациясы, Дүниежүзілік федерация және шетелдік делегациялар қатысты, деп хабарлайды Tarazy ақпарат. «Дүниежүзінен ондаған мемлекет қатысып отырған оқушылар арасындағы әлем чемпионаты тағы да жалауын көтеріп отыр. Біз бұл шараға атсалысқан барлық тоғызқұмалақ жанашырларына алғыс білдіреміз. Дүниежүзілік тоғызқұмалақ федерациясының президенті Әлихан Байменовтің сәлемін жеткіземін. Ол кісі үнемі айтады: тоғызқұмалақта жеңілетіндер, ұтылатындар болмайды. Ұтатын — тек ұлттық мүдде. Бұл ойынға әлемдік қызығушылық артты», – деп атап өтті Қазақстан Тоғызқұмалақ…
Алматы облысының Райымбек ауданында Баққожа Мұқай атындағы аудандық мәдениет үйінде ауданнан шыққан белгілі спорт майталмандарының қатысуымен “ХАН ТӘҢІРІ ЕТЕГІ — ЧЕМПИОНДАР МЕКЕНІ” атты форум өтті, деп хабарлайды Tarazy ақпарат. Форумға КСРО кубогының иегері, КСРО халықтары спартакиадасының күміс жүлдегері, КСРО және ТМД біріншілігінің қола жүлдегері, Азия чемпионы, Шығыс және Орталық Азия ойындарының екі дүркін жеңімпазы, Азия кубогының төрт дүркін иегері, Азия ойындарының жеңімпазы, сондай-ақ Олимпиада ойындары мен Әлем чемпионатының қола жүлдегері Мәулет Сатымбайұлы Мамыров, Кикбоксингтен европаның екі дүркін чемпионы Елмұрат Қайыпжанов, қол күрестің хас шебері, әлем чемпионаттарының бірнеше дүркін жүлдегері Береген Спатаев, қазақ күресінен халықаралық дәрежедегі спорт шебері, қазақ күресі мен…
Алматы облысында “Батыс Еуропа – Батыс Қытай” халықаралық көлік дәлізінің соңғы кезеңі болып табылатын «Ұзынағаш – Отар» (101–143 км) учаскесі ашылды, деп хабарлайды Tarazy ақпарат. Бұл — тек жол құрылысын аяқтау ғана емес, Жамбыл ауданы мен жалпы өңірдің әлеуметтік-экономикалық дамуына жаңа серпін беретін маңызды дәліз. Ұзындығы 42 шақырым болатын учаскенің құрылысы 2024–2025 жылдары жүзеге асырылды. Бас мердігер — KLV Insaat Anonim Sirketi, техникалық қадағалаушы — Donsung Engineering компаниясы. Құрылыста 1,3 млн текше метр жер төсемі, 42 км қосымша ПГС қабаты, барлық жол қабаттары салынды. Мосттар мен су өткізу құрылыстары толық аяқталды. Жобада 163 техника бірлігі, 290 маман, 2 асфальт-бетон зауыты…
Бүгін Абай университеті Алматының іргесінде Агробиостанция кешенін ресми түрде іске қосты. Ашылуына университет басшылығы, профессорлық-оқытушылар құрамы және студенттер қатысып, заманауи агробиостанцияның лентасы салтанатты түрде қиылды. Бұл жаратылыстану және география факультетінің білім алушыларына зерттеужұмыстарымен айналысып, тәжірибе жасауға жасалған үлкен мүмкіндік. Студентердің теориялық білімін тәжірибемен ұштастыруға, ғылыми зерттеу жұмыстарын жүргізуге арналған Агробиостанция Алматы облысы Еңбекшіқазақ ауданы Жаңашар ауылында орналасқан. 38 гектардан астам аумақты қамтитын кешен студенттерге оқу-тәжірибелік сабақтарын өткізуге, ғылыми жобаларды жүзеге асыруға және жаңа агротехнологияларды сынақтан өткізуге мүмкіндік береді. Заманауи оқу-зертханалық базада зертханалар, 60 адамға арналған жатақхана, асхана, жуынатын бөлмелер, спорт алаңдары мен көлік тұрағы қарастырылған. «Бүгін – университетіміз үшін маңыздытарихи…
Қазақстанның саяси сахнасында туыстық байланыс әлі де көрініс табады. Ескі Қазақстаннан бастау алған бұл феномен жаңа Қазақстанда да жалғасын тапқан. Dalanews.kz редакциясы билік пен мемлекеттік құрылымдарда қызмет етіп жүрген ағайынды тұлғалардың бірнеше мысалына шолу жасапты. Ағайынды Саировтар Ағайынды Ерлан және Серік Саировтар мемлекеттік салада кәсіби бедел қалыптастырып үлгерген. Ерлан Бияхметұлы Саиров қазіргі уақытта Қазақстан Республикасы Парламенті Мәжілісінің депутаты. Ол қоғамда өткір пікір білдіретін, саяси және әлеуметтік мәселелерге белсенді араласатын тұлға ретінде танылған. Саиров ұзақ жылдар бойы мемлекеттік басқару, ішкі саясат және идеологиялық бағыттарда қызмет атқарды. 2019 жылдан бастап Еуразиялық интеграция институтын басқарды, ал 2021 жылы Мәжіліс депутаты ретінде қызметіне кірісті. Ал Серік Бияхметұлы…
Көпшілікке Jah Khalib атымен танымал әнші Бахтияр Мамедовтің Ақтөбе қаласында жоспарланған ән кеші өтпейтін болды, деп хабарлайды Tarazy.kz Сенімді дереккөздің мәліметінше, әншінің концертін өткізбеу туралы шешімді жергілікті әкімдік хабарлаған. Одан бөлек, инсайдтық дерек бойынша Jah Khalibтің Қазақстан аумағында болатын барлық жеке концерті өтпейді. 32 жастағы әнші Қазақстан мен Ресейге, ТМД аумағында танымал репер. 2022 жылы Ресей мен Украина қақтығысы кезінде Киевте қалып қалған. Өзінің мәлімдеуінше, жары — украин ұлтынан. Құрсаудан аман шыққан соң, украиндықтардың қамқорлығы мен кең пейілдігін айтам деп Ресейдегі концерттері өтпей қалған. Естеріңізде болса, жуырда түбі әзербайжандық Ресей әншісі Akmalдың Қазақстандағы концерттері өтпей қалған.
