«Nur Otan» партиясы төрағасының бірінші орынбасары Бауыржан Байбек Алматының құрметті азаматы болды.
⠀
Ірі мегаполистің бұрынғы әкіміне айтулы награданы Қала күнін тойлау салтанатында қала әкімі Бақытжан Сағынтаев табыс етті.
⠀
Биыл Алматының құрметті азаматы атанғандардың арасында жазушы Әбдіжәміл Нұрпейісов, театр және кино актері Юрий Померанцев, ақын әрі жазушы Олжас Сүлейменов сынды әдебиет пен мәдениет қайраткерлері, сондай-ақ медицина саласына еңбек сіңірген тұлғалар бар. Бұдан бөлек, қоғам дамуына сүбелі үлес қосқан белгілі тұлғалар, ЖОО ректорлары, қоғам қайраткерлері «Еңбек үшін» төсбелгісімен марапатталды.
