Алматы облысының аумағында екі үлкен мегаполистің жолына қосылатын тағы бір облыстық маңызы бар тасжолдан алынған сынамалар сараптамадан өтіп жатыр, деп хабарлайды Tarazy.kz
Бұл Алматы-1-Шамалған бекеті-Ұзынағаш автомобиль жолының 1,5-24,7 шақырым аралығы. Аталған жолға жуықта ғана күрделі жөндеу жұмыстары жасалған еді.
Боралдай, Көкөзек, Елтай, Екпінді ауылдары арқылы өтіп, Алматы-Астана республикалық маңызы жолына қосылатын аумақта жөндеу жұмыстары толық аяқталған жоқ.
Нысаннан алынған материалдардың сапасына «Жол активтері сапасының ұлттық орталығы» ШЖҚ РМК Алматы облысы бойынша филиалы сараптама жасайды. Айта кетейік, осы нысаннан жыл басынан бері алынған 5 құрылыс материалына тексеріс жасалып жатыр.
